ہالی ووڈ کی فلم میں کام کرنا چاہتے تھے سوشانت سنگھ، لیکن افسوس...

سوشانت سنگھ راجپوت نے ہالی ووڈ کے لیجنڈری ڈائرکٹر مارٹن سکورسیجی کے ساتھ کام کرنے کی خواہش ظاہر کی تھی۔ علاوہ ازیں وہ ہدایتکار ووڈی ایلن کے ساتھ بھی کام کرنا چاہتے تھے۔

تصویر سوشل میڈیا
تصویر سوشل میڈیا
user

یو این آئی

ممبئی: بالی ووڈ میں اپنی زبردست اداکاری سے شائقین کو مسحور کرنے والے سوشانت سنگھ راجپوت ہالی ووڈ کے ہدایت کاروں کے ساتھ بھی کام کرنا چاہتے تھے۔ سوشانت صرف بالی ووڈ تک محدود نہیں رہنا چاہتے تھے۔ وہ ہالی ووڈ ہدایت کاروں کے ساتھ بھی کام کرنا چاہتے تھے جن کی فلمیں دیکھ کر وہ بہت متاثر ہوتے تھے۔ سوشانت نے ایک بار کہا تھا کہ وہ ہالی ووڈ کے مشہور ڈائرکٹر کرسٹوفر نولان کے ساتھ کام کرنا چاہتے ہیں۔

اس تعلق سے سوشانت سنگھ نے ایک بار کہا تھا کہ ’’جس طرح نولان کا چیزوں کو دیکھنے کا نظریہ ہے وہ حیرت انگیز ہے ۔ ان کی ہر فلم میں ایسا دیکھا جاسکتا ہے۔ میں ان کی ایک ویڈیو دیکھ رہا تھا جس میں وہ اپنی فلم میمنٹو کے اسکرین پلے پر گفتگو کر رہے تھے اور یہ بہت شاندار تھا۔ اس نے میرا دماغ کھول کر رکھ دیا تھا۔ اس ویڈیو کو دیکھ کر مجھے احساس ہوا کہ میں تو کچھ نہیں جانتا ہوں‘‘۔

سوشانت نے ہالی ووڈ کے لیجنڈری ڈائرکٹر مارٹن سکورسیجی کے ساتھ کام کرنے کی خواہش بھی ظاہر کی تھی۔ علاوہ ازیں وہ ہدایت کار ووڈی ایلن کے ساتھ بھی کام کرنا چاہتے تھے۔ حالانکہ سوشانت کے جانے کے بعد ان کی یہ خواہشیں ادھوری رہ گئی ہیں۔