سونو سود کو ملا پرینکا چوپڑا کا ساتھ

پرینکا چوپڑا نے سوشل میڈیا پر لکھا ہے کہ آپ لوگوں نے کبھی وژنری سماجی کارکن کے بارے میں سنا ہے؟ میرے ساتھی سونو سود بھی وہی ہیں۔ وہ آگے کے بارے میں سوچ کر منصوبہ بناتے ہیں۔

 سونو سود، تصویر آئی اے این ایس
سونو سود، تصویر آئی اے این ایس
user

یو این آئی

ممبئی: بالی ووڈ اداکار سونو سود نے کورونا وبا کی وجہ سے ہوئے یتیم بچوں کی دیکھ بھال کے لئے قدم اٹھانے کی پہل کی ہے، جس میں انہیں پرینکا چوپڑا کا بھی ساتھ مل گیا ہے۔ پرینکا چوپڑا نے سوشل میڈیا پر سونو سود کی ایک ویڈیو شیئر کی ہے جس میں انہوں نے کہا ہے کہ ریاست اور مرکزی حکومتوں کو ایسا کوئی اصول بنانا چاہیے جس کے تحت ایسے بچوں کی تعلیم اسکول سے لے کر کالج تک مفت کی جاسکے، جنہوں نے کووڈ۔ 19 کی وجہ سے اپنے والدین کو کھو دیا ہے۔

پرینکا چوپڑا نے سوشل میڈیا پر لکھا ہے کہ آپ لوگوں نے کبھی وژنری سماجی کارکن کے بارے میں سنا ہے؟ میرے ساتھی سونو سود بھی و ہی ہیں۔ وہ آگے کے بارے میں سوچ کر منصوبہ بناتے ہیں، کیونکہ اس بیماری کے اثرات شاید طویل عرصہ تک رہیں ایسی صورتحال میں کووڈ ہر اس بچے کے لئے ایک ڈراؤنی کہانی ہے، جنہوں نے اپنے والدین کو اس وبا میں کھو دیا ہے، جس کی وجہ سے ان کی تعلیم بند ہوسکتی ہے۔ میں سونو سود کی اس بات سے متاثر ہوں، انہوں نے ایک خاص طریقے سے اس کا حل نکالا ہے اب اس پر عمل ہونا چاہیے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔