شاہ رخ خان پھر بنے بادشاہ، ٹائم 100 ریڈر پول میں سر فہرست

نئی دہلی: کنگ خان کے نام سے مشہور بالی ووڈ کے سپر اسٹار شاہ رخ خان نے اپنی بادشاہت ایک بار پھر ثابت کر دی ہے، جب ٹائم میگزین کی طرف سے کرائے گئے 2023 ٹائم100 پول میں وہ سر فہرست رہے۔ اس پول میں میگزین نے قارئین سے ان شخصیات کے لیے ووٹ دینے کو کہا تھا جو ان کے مطابق، ٹائم کی طاقت ور ترین شخصیات کی سالانہ فہرست میں مقام حاصل کرنے کے اہل ہیں۔

ٹائم ڈاٹ کام پر شائع رپورٹ کے مطابق پول کے دوران مجموعی طور پر 12 لاکھ سے زیادہ افراد نے ووڈ دیا، جس میں سے 4 فیصد ووٹ حاص کر کے شاہ رخ خان سرفہرست رہے۔ فہرست میں شاہ رخ خان کے علاوہ ہالی ووڈ کی اداکارہ مشیل یو، معروف ٹینس کھلاڑی سیرینا ولیمز، میٹا (فیس بک) کے سی ای او مارک زکربرگ اور جنوبی امریکی ملک برازیل کے صدر لوئز ایناشیو لولا ڈی سلوا شامل ہیں۔

ایران کی خاتون مظاہرین 3 فیصد ووٹ حاصل کر کے دورے مقام پر رہیں۔ یہ مظاہرین ایران کی اخلاقی پولیس کے ہاتھ 22 سالہ مہسہ امین کے مارے جانے کے بعد سڑکوں پر اتر آئیں تھیں۔ انہیں ٹائم 2022 ہیروز آف دی ایئر کے خطاب سے بھی نوازا گیا تھا، اس کے علاوہ گزشتدہ سال کا پرسن آف دی ایئر ریڈر پول بھی انہیں خاتون مظاہرین کے نام رہا تھا۔

کورونا کی وبا کے دوران اپنی جان کی پروا کیے بغیر لوگوں کی خدمت کرنے والے طبی اہلکارو 2 فیصد ووٹ حاصل کر کے تیسرے مقام پر رہے۔ صرف ریاستہائے متحدہ میں ہی 1.8 کروڑ طبی اہلکار وبا کے دوران لوگوں کی بے لوث خدمت کر رہے تھے۔ اس کے بعد برطانیہ کے شہزادہ ہیری اور ان کی اہلیہ میگل مرکل کا مقام رہا۔ دونوں نے 1.9 فیصد ووٹ حاصل کیے۔

دنیا کے مشہور فٹبال کھلاڑی اور ارجنٹائن کی ورلڈ کپ فاتح ٹیم کے کپتان لیونل میسی اس فہرست میں پانچویں مقام پر رہے، جنہوں نے 1.8 فیصد ووٹ حاصل کئے۔ میسی فرانس کی فٹبال میگزین کی جانب سے فراہم کیا جانے والا ’بیلن ڈی اور ایوارڈ‘ سات مرتبہ جیت چکے ہیں۔

ٹائم ڈاٹ کام کے مطابق، ٹائم کے ایدیٹرز 2023 کی ٹائم 100 فہرست کے لئے اپنی پسند کو 13 اپریل کو جاری کریں گے۔