فلم ’نو انٹری‘ کے سیکوئل کی شوٹنگ جلد شروع کریں گے سلمان خان

ممبئی: بالی ووڈ کے دبنگ اسٹار سلمان خان اپنی سپرہٹ فلم ’نو انٹری‘ کے سیکوئل کی شوٹنگ جلد شروع کرسکتے ہیں۔ بالی ووڈ ہدایت کار انیس بزمی 2005 میں ریلیز فلم ’نو انٹری‘ کا سیکوئل ’نو انٹری میں انٹری‘ بنانے جا رہے ہیں۔ 'نو انٹری میں انٹری' میں سلمان خان کے علاوہ انل کپور اور فردین خان نظر آئیں گے۔ ان تینوں کی جوڑی 'نو انٹری' میں بھی تھی۔ سلمان خان نے فلم کے سیکوئل کو لے کر بڑا اشارہ دیا ہے۔

سلمان خان حال ہی میں کیچا سدیپ اور جیکولین فرنانڈس کی فلم 'وکرانت رونا' کی تقریب میں پہنچے۔ اس دوران انہوں نے بڑا اعلان کیا ہے۔ سلمان خان نے تقریب کے دوران انیس بزمی کی طرف اشارہ کرتے ہوئے کہا کہ ’’یہاں ایسے رائٹر اور ڈائریکٹر بیٹھے ہیں... 100 کروڑ کی ہٹ دے رہا ہے آدمی، وہ بھی کامیڈی میں... کل نو انٹری میں دے گا... 300 کروڑ۔ سلمان خان کے اس بیان سے صاف واضح ہے کہ 'نو انٹری۔ 2' جلد ہی شروع ہونے والی ہے۔

خاص بات یہ ہے کہ فلم 'نو انٹری' سال 2005 میں ریلیز ہوئی تھی۔ فلم میں سلمان خان کے علاوہ انل کپور، فردین خان، لارا دتہ، ایشا دیول، سیلینا جیٹلی اور بپاشا باسو نے اہم کردار ادا کیے تھے۔ فلم 'نو انٹری' نے باکس آفس پر اچھا بزنس کیا تھا۔