فلمی گپ شپ: سلمان خان جِم میں بہا رہے پسینہ، شیئر کی ’شرٹ لیس‘ تصویر

بالی ووڈ کے سلطان سلمان خان کی ایک تصویر سوشل میڈیا پر خوب وائرل ہو رہی ہے جس میں سلو میاں جم میں شرٹ لیس انداز میں پسینہ بہا رہے ہیں، ان کے مداحوں میں یہ ادا خوب پسند کی جا رہی ہے

تصویر سوشل میڈیا
تصویر سوشل میڈیا
user

قومی آوازبیورو

نئی دہلی: سلمان خان فلموں کے علاوہ سوشل میڈیا پر بھی کافی فعال رہتے ہیں اور وقتاً فوقتاً اپنی تصاویر اور ویڈیوز پوسٹ کرتے رہتے ہیں۔ انہوں نے اپنی تازہ تصویر سوشل میڈیا ویب سائٹ انسٹاگرم پر شیئر کی ہے جس میں وہ جم میں موجود ہیں اور ورک آؤٹ کے بعد کافی پسینہ بہا چکے ہیں۔ ان کی اس تصویر کو خوب پسند کیا جا رہا ہے اور کچھ ہی دیر میں اس پر لاکھوں لائیکس اور کمیٹس آ چکے ہیں۔

واضح رہے کہ سلمان خان اپنے کسرتی بدن کے حوالہ سے کافی مشہور ہیں اور اپنی متعدد فلموں میں وہ شرٹ لیس (بغیر شرٹ کے) سین دے چکے ہیں۔ کافی دنوں کے بعد انہوں نے کوئی شرٹ لیس تصویر شیئر کی ہے۔ سلمان خان کی اس پوسٹ کو ان کے فینس کافی پسند کر رہے ہیں لیکن ایسے بھی صارفین ہیں جو ان کو ٹرول کر رہے ہیں۔

تاحال ان کی پوسٹ کو 16 لاکھ سے زیادہ مرتبہ لائکس کیا جا چکا ہے۔ تصویر کے کیپشن میں سلمان خان نے لکھا ہے ’’میں نے ابھی اپنا ورک آؤٹ ختم کیا ہے۔‘‘ غور طلب ہے کہ سلمان خان ان دنوں ممبئی میں واقعہ اپنے گھر سے دور پنویل والے فارم ہاؤس میں قیام کر رہے ہیں، خبروں پر یقین کریں تو یہاں ان کے ساتھ ان کا خاندان اور مبینہ گرل فرینڈ یولیا ونتور بھی موجود ہیں۔ اپنے فارم ہاؤس سے ہی وہ لگاتار ویڈیوز شیئر کرتے رہتے ہیں۔

سلمان خان اپنی آخری ریلیز ہونے والی فلم ’بھارت‘ کے بعد جلد ہی ’رادھے: یور موسٹ وانٹیڈ بھائی‘ میں نظر آئیں گے۔ اس فلم میں سلو میاں ایک مرتبہ پھر سے اداکارہ دشا پاٹنی کے ساتھ جلوہ افروز ہوں گے۔ لاک ڈاؤن کی وجہ سے ان کی شوٹنگ ادھوری رہ گئی ہے۔

Published: 27 Jun 2020, 5:11 PM