ویب سیریز ’کوٹا فیکٹری‘ کے دوران آئی آئی ٹی کوچنگ کی یادیں تازہ ہو گئیں: جتیندر کمار

نئی دہلی: بلیک اینڈ وائٹ سیریز 'کوٹا فیکٹری سیزن 3' نیٹ فلکس پر ریلیز ہو گئی ہے۔ لوگوں نے سیریز میں جیتو بھیا کے کردار کو بہت پسند کیا ہے۔ جیتو بھیا اپنے طلباء سے وابستہ ہو کر ان کے مسائل حل کرتے ہیں، ہر کوئی چاہتا ہے کہ ان کی زندگی میں بھی ایک جیتو بھیا ہونا چاہئے۔ سیریز میں جیتو بھیا کا کردار جتیندر کمار نے ادا کیا ہے۔

اداکار جتیندر کمار آئی آئی ٹی کھڑگپور کے طالب علم رہے چکے ہیں۔ ان لمحات کو یاد کرتے ہوئے انہوں نے بتایا کہ جب وہ راجستھان کے کوٹا میں پڑھائی کے دوران بیمار پڑ جاتے ہیں تو کس طرح ان کی ماں ان سے ملنے کے لئے آ جاتی ہیں۔ جتیندر نے 2013 میں ’منا جذباتی: دی کیوٹیا انٹرن‘ سے اپنی اداکاری کی شروعات کی تھی۔ اس کے بعد انہوں نے ’پرماننٹ روم میٹس‘، ’ٹی وی ایف پیچرس’ اور ’ام مچیور‘ جیسے شورز میں کام کیا۔

'کوٹا فیکٹری' کوٹا میں طلباء کی زندگی اور جوائنٹ انٹرینس امتحان (جے ای ای) میں کامیابی حاصل کرنے اور آئی آئی ٹی میں داخلہ لینے کی ان کی کوششوں کے گرد گھومتی ہے۔

جیتندر نے اپنے پرانے دنوں کو یاد کرتے ہوئے آئی اے این ایس کو بتایا، ’’جب میں نے اسکرپٹ پڑھا تو ایک چیز جو مجھے فوراً پسند آئی وہ یہ تھی کہ جب ویبھو (میور مورے) بیمار ہو جاتا ہے، اور اس کی ماں اس سے ملنے آتی ہے۔ ماں اور بچے کے درمیان ایک الگ ہی رشتہ ہوتا ہے۔ اساتذہ بھی کہتے ہیں کہ اپنی ماں سے زیادہ گپ شپ نہ کرو، ان کے ساتھ وقت گزارو۔‘‘

جتیندر نے کہا، ’’دراصل، یہ چیزیں میرے ساتھ ہوئی ہیں اور پھر میں سوچتا تھا کہ یہ میرے ساتھ صرف اس لیے ہو رہا ہے کہ میں الگ ہوں لیکن کوٹا کے پانی سے یا میس کا کھانا کھانے سے طلباء اکثر بیمار ہو جاتے ہیں۔ اور پھر وہ ایک ہی طرح سے اس سب سے بچتے ہیں اور ہے اپنی ماں کو پاس بلانا۔ پھر ہر کوئی اپنی ماں سے ساتھ دو مہینے گزارتا ہے۔‘‘

اداکار نے کہا ’’میں نے سوچا کہ میں اکیلا لڑکا ہوں جو اس صورتحال کا سامنا کر رہا تھا، بیمار تھا، اپنی ماں کو فون کر رہا تھا اور رات بھر ان کے ساتھ گپ شپ کر رہا تھا۔ ، مجھے لگا کہ میں نے ہی ایسا کیا ہے لیکن جب میں نے رائٹر سے پوچھا تو انہوں نے کہا نہیں نہیں ایسا تو سب کے ساتھ ہوتا ہے۔ تو یہ اسکرپٹ کا سب سے جادوئی لمحہ تھا!‘‘

جتیندر کمار نے کوٹا فیکٹری کے علاوہ ٹی وی ایف کی ہی ویب سیریز ’پنچایت‘ میں بھی اہم کردار ادا کیا ہے۔ ایمیزون پرائم پر اسٹریم ہونے والے اس شو کے تین سیزن جاری ہو چکے ہیں۔ اس کامیڈی شو میں جتیندر کمار نے گاؤں کے ایک سکریٹری (سچیو جی) کا کردار ادا کیا ہے۔ ٹھیٹھ گاؤں کے پس منظر والے شو پنچایت میں بھی جتیندر کمار اداکاری کو کافی پسند کیا گیا ہے۔

او ٹی ٹی پر اسٹار بن جانے اور مشہور ہونے پر کیسا محسوس کرتے ہیں، اس سوال پر جتیندر نے کہا، ’’میں اچھا محسوس کر رہا ہوں۔ مجھے لگتا ہے کہ او ٹی ٹی نے کہانی کاروں کو بہت کچھ دیا ہے، انہیں دریافت کرنے اور تجربہ کرنے کا موقع ملا ہے۔ اور میں بھی ان کے درمیان آتا ہوں۔ میں کہانیوں کا مداح ہوں، میں تجربات کر رہا ہوں۔ مجھے بتایا گیا ہے کہ کہانیاں محدود ہیں اور مختلف فلم ساز انہیں منفرد انداز میں بنا رہے ہیں اور منفرد انداز میں پیش کر رہے ہیں۔ مجھے خوشی ہے کہ میں وہ سب کچھ کر پا رہا ہوں۔‘‘

'کوٹا فیکٹری' کا تیسرا سیزن پرتیش مہتا نے ڈائریکٹ کیا ہے اور اسے ٹی وی ایف پروڈکشن نے پروڈیوس کیا ہے۔ اس میں تلوتما شوم، میور مورے، رنجن راج، عالم خان، ریوتی پلئی، احساس چنا اور راجیش کمار نے اداکاری کی ہے۔ یہ شو نیٹ فلکس پر اسٹریم ہو رہا ہے۔