کورونا وائرس کی جنگ میں ہندوستان کی مدد کریں: امیتابھ

ویڈیو میں امیتابھ بچن نے کہا کہ دنیا کے تمام لوگوں سے درخواست کرتا ہوں کہ وہ کھڑے ہوں۔ اپنی حکومتوں اور فارما کمپنیوں سے بات کریں اور ان سے مدد کرنے کی اپیل کریں۔

امیتابھ بچن، تصویر آئی اے این ایس
امیتابھ بچن، تصویر آئی اے این ایس
user

یو این آئی

ممبئی: ہندی سنیما کے سپر اسٹار امیتابھ بچن نے لوگوں سے اپیل کی ہے کہ وہ کورونا وائرس کے خلاف جنگ میں ہندوستان کی مدد کریں۔ پورا ملک کورونا وائرس کی دوسری لہر سے پریشان ہے۔ اس مشکل وقت میں بالی ووڈ کی مشہور شخصیات بھی آگے آکر لوگوں کی مدد کر رہی ہیں۔ امیتابھ بچن نے ویکس لائیو گلوبل ایونٹ میں حصہ لیا جو کورونا وائرس سے وابستہ ہے۔ امیتابھ نے ٹوئٹر ہینڈل پر ایک ویڈیو شیئر کی ہے۔ ویڈیو شیئر کرتے ہوئے امیتابھ بچن نے لکھا ہے کہ اس میں شریک ہوکر فخر محسوس کررہا ہوں اور ہندوستان کے لئے لڑائی جاری ہے۔

ویڈیو میں امیتابھ بچن نے کہا کہ ’’نمسکار، میں امیتابھ بچن ہوں۔ میرا ملک ہندوستان کورونا وبا کی دوسری لہر سے پریشان ہے۔ ایک عالمی شہری ہونے کی حیثیت سے میں دنیا کے تمام لوگوں سے درخواست کرتا ہوں کہ وہ کھڑے ہوں۔ اپنی حکومتوں اور فارما کمپنیوں سے بات کریں اور ان سے مدد کرنے کی اپیل کریں۔ ہر چھوٹی کوشش رنگ لاتی ہے۔ جیسے مہاتما گاندھی جی نے کہا تھا کہ آپ آسانی سے پوری دنیا کو ہلا سکتے ہیں۔ شکریہ‘‘ْ۔


امیتابھ نے ٹیکہ کاری کی اہمیت پر بھی زور دیا ہے۔ امیتابھ نے لکھا کہ کورونا کو شکست دینے کا واحد راستہ ہے ویکسینیشن ہے۔ اس لئے جوائن کریں اور سپورٹ کریں، گلوبل سٹیزن کو جس کی ہندوستان کو ضرورت ہے۔ کامیڈی سنٹرل، وایا کوم 18، وی ایچ۔ 1 اور وزکرافٹ انڈیا لائے ہیں، ویکس لائیو کنسرٹ، جس سے دنیا کورونا وائرس سے لڑنے کے لئے متحد ہوسکے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔