کیا اسرائیل میں اماراتی سیاحوں کے پاسپورٹس پر مہر نہیں لگے گی؟
متحدہ عرب امارات ان ممالک میں سے جس نے اسرائیلی مہر زدہ پاسپورٹس کے حاملین کو ملک میں آنے کی اجازت دے رکھی ہے۔
متحدہ عرب امارات سے اسرائیل جانے والے سیاحوں کے لئے برا مسئلہ یہ ہے کہ اگر ان کے پاسپورٹ پر اسرائیلی مہر لگ گئی تو پھر دیگر عرب ممالک ان سیاحوں کو اپنے یہاں نہیں آنے دیں گے کیونکہ کئی عرب ممالک نے ایسے لوگوں پر اپنے ملک میں پابندی لگائی ہوئی ہے جن کے پاسپورٹ پر اسرائیل کی مہر لگی ہوئی ہے یعنی انہوں نے اسرائیل کا سفر کیا ہوا ہے۔ لیکن اسرائیلی وزارت خارجہ کے ترجمان نے اس تعلق سےالعربیہ ڈاٹ نیٹ کو بتایا ہے کہ ’’اسرائیل میں آنے والے سیاحوں کے پاسپورٹس پر بالعموم بارڈر کنٹرول (ہوائی اڈوں )پرمہر نہیں لگائی جاتی ہے بلکہ انھیں ایک کارڈ کے طور پر مجاز کاغذ کا ٹکڑا دیا جاتا ہے جس کو دکھا کر وہ ملک میں داخل ہوسکتے ہیں۔‘‘
ان سے یہ سوال پوچھا گیا تھا کہ کیا امارات سے آنے والے سیاحوں کے پاسپورٹس پر دخول اور خروج کی مہر لگائی جائے گی۔اس کے جواب میں انھوں نے مزید کہا کہ اس موضوع پر دونوں ملکوں کے درمیان آئندہ بات چیت میں مزید تبادلہ خیال کیا جائے گا۔
واضح رہے متحدہ عرب امارات ان ممالک میں سے جس نے اسرائیلی مہر زدہ پاسپورٹس کے حاملین کو ملک میں آنے کی اجازت دے رکھی ہے۔اسرائیلی شہری اگر اپنے ملک کے علاوہ کسی اور ملک کے جاری کردہ پاسپورٹس استعمال کریں تو انھیں بھی داخلے کی اجازت دے دی جاتی ہے۔واضح رہے کہ اسرائیل کے شہریوں کی اکثریت امریکا سمیت مغربی ممالک کی شہریت بھی رکھتی ہے۔
یو اے ای نے گذشتہ سال دسمبر میں اسرائیلی پاسپورٹس کے حامل افراد کو ملک میں داخلے کی اجازت دینے کا فیصلہ کیا تھا مگر یہ استثنا انھیں دبئی میں منعقد ہونے والی نمائش 2020ء میں شریک ہونے کے لیے دیا گیا تھا۔تاہم کرونا وائرس کی وَبا کی وجہ سے اس عالمی نمائش کو ایک سال کے لیے ملتوی کردیا گیا ہے۔ (بشکریہ العربیہ ڈاٹ نیٹ)
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔