عید الفطر: سعودی فرمانروا نے سماجی دوری کے اصولوں پرعمل درآمد کا خیرمقدم کیا

خادم الحرمین الشریفین شاہ سلمان بن عبدالعزیز کی جانب سے عید سے متعلق خصوصی پیغام میں سعودی قوم اور پورے عالم اسلام کو عید کی مبارک باد پیش کی گئی۔

سعودی فرمانروا نے سماجی دوری کے اصول پرعمل درآمد کا خیرمقدم کیا
سعودی فرمانروا نے سماجی دوری کے اصول پرعمل درآمد کا خیرمقدم کیا
user

قومی آوازبیورو

سعودی فرمانروا خادم الحرمین الشریفین شاہ سلمان بن عبدالعزیز نے عیدالفطر کے موقعے پر ملک کے شہریوں اور مقیم غیرملکی تارکین وطن کی جانب سے کورونا وبا کے پیش نظر سماجی دوری اختیار کرنے اور صحت کے حوالے سے وضع کردہ طریقہ پرعمل درآمد کا خیر مقدم کیا ہے۔

العربیہ چینل کی رپورٹ کے مطابق خادم الحرمین الشریفین شاہ سلمان بن عبدالعزیز کی جانب سے عید سے متعلق خصوصی پیغام میں سعودی قوم اور پورے عالم اسلام کو عید کی مبارک باد پیش کی گئی۔


شاہ سلمان بن عبدالعزیز نے مملکت کے شہریوں اور تارکین وطن کی طرف سے کورونا وبا کی روک تھام کے لیے اختیار کردہ احتیاطی تدابیر اور وزارت صحت کے وضع کردہ ضابطہ اخلاق پرعمل درآمد پر شہریوں کا خصوصی شکریہ ادا کیا۔

شاہ سلمان کا کہنا تھا کہ سعودی عرب کی حکومت نہ صرف مملکت کے شہریوں بلکہ ملک میں مقیم غیرملکیوں کی صحت اور سلامتی کو یقینی بنانے کی خواہاں ہے۔ ان کا کہنا تھا کہ سعودی حکومت مملکت کے شہریوں کی آرام وراحت کے لیے ہرممکن اقدامات کرے گا۔ خادم الحرمین الشریفین نے کورونا وبا کے خلاف نبرد آزما سرکاری اور نجی اداروں کی کاوشوں کو بھی سراہا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔