اسرائیل غزہ کو انسانی امداد نہیں دے گا: دفتر نیتن یاہو

اسرائیل غزہ پٹی میں کوئی انسانی امداد نہیں دے گا اور دوسرے ممالک سے کسی بھی طرح کی غیر  محفوظ سپلائی کو بھی روک دے گا۔وزیر اعظم کے دفتر نے اتوار کو یہ اطلاع دی۔ اس کا مطلب صاف ہے کہ غزہ میں چاہے بچے ہوں یا بزرگ ان کو کسی قسم کی امداد کی توقع نہیں رکھنی چاہئے۔

ہاریتز اخبار نے دفتر کے حوالے سے بتایا کہ ’’اسرائیل غزہ کو کوئی انسانی امداد نہیں پہنچائے گا اور دوسروں کی طرف سے کسی بھی غیر محفوظ سپلائی کو روک دے گا۔‘‘ اسرائیل حماس  کو سبق سکھانے کے چکر میں  غزہ میں ان بے گناہ بچوں اور بزرگوں کی مدد کو نظر انداز کر ہا ہے  جس کی وجہ سے وہاں موجود لوگوں کی زندگیاں مشکل میں  پڑ گئی ہیں۔

واضح رہے کہ 7 اکتوبر کو فلسطینی گروپ حماس نے غزہ پٹی سے اسرائیل کے خلاف اچانک زبردست راکٹ حملہ کیا تھا۔ اسرائیل نے جوابی حملے شروع کیے اور غزہ پٹی کی مکمل ناکہ بندی کا حکم دیا، جس میں 20 لاکھ سے زائد افراد آباد ہیں، اور پانی، خوراک اور ایندھن کی سپلائی منقطع کر دی گئی۔

بعد ازاں اسرائیل نے ناکہ بندی میں نرمی کرتے ہوئے انسانی امدادی ٹرکوں کو غزہ کی پٹی میں داخل ہونے کی اجازت دی۔ تنازعہ بڑھنے سے دونوں فریقوں کے ہزاروں افراد ہلاک اور متعدد زخمی ہو گئے۔