اللہ کے عظیم گھر میں فرزندان توحید کی نماز کے لیے صف بندی

ڈیڑھ سال کی بندشوں کے بعد آج پہلی جمعہ کی نماز تھی جس میں مسجد حرام اور مسجد نبوی کو پوری گنجائش کے تحت کھولا گیا ہے۔

تصویر ٹوئٹر @hsharifain
تصویر ٹوئٹر @hsharifain
user

قومی آوازبیورو

سعودی عرب: جمعرات کو نماز عشاء اور نماز جمعہ کے دوران مسجد حرام میں نماز کی صف بندی کے دلکش اور ایمان پرور مناظر سوشل میڈیا کی زینت بنے۔ ان مناظر کو سوشل میڈٰیا پر غیر معمولی طور پر سراہا گیا اور اُنہیں مسجد حرام میں عبادت اور نماز کے شاندار مناظر قرار دیئے گئے۔ ان مناظر میں نمازیوں کو حق تعالیٰ شانہ کے سامنے خشوع اور خضوع کے ساتھ حالت قیام میں دیکھا جا سکتا ہے۔

تصویر ٹوئٹر @hsharifain
تصویر ٹوئٹر @hsharifain

ان روح پرور مناظر میں دیکھا جا سکتا ہے کہ مسجد حرام اور کعبہ شریف کا مطاف نمازیوں سے کھچا کھچ بھرئے ہوئے ہیں۔ ڈیڑھ سال کی بندشوں کے بعد آج پہلی جمعہ کی نماز تھی جس میں مسجد حرام اور مسجد نبوی کو پوری گنجائش کے تحت کھولا گیا ہے۔ اس موقعے پر صدارت عامہ برائے امور حرمین شریفین کی طرف سے نمازیوں کی سہولیات کے لیے تمام ضروری اقدامات کیے گیے تھے تاکہ نمازی اور معتمرین اطمینان کے ساتھ خطبہ جمعہ سن سکیں اور نماز ادا کرسکیں۔


اس موقعے پر مسجد حرام میں آمد ورفت کے لیے 50 دروازے کھول دیئے گئے تھے۔ نمازیوں اور زائرین کی خدمت پر 4 ہزار رضا کاروں کو مقرر کیا گیا تھا جب کہ مسجد حرام کو دن میں 10 بار صاف اور معطر کرنے کا بھی باقاعدگی سے اہتمام کیا جاتا ہے۔

صدارت عامہ برائے امور حرمین کی سروسز فیلڈ افیئرز اور انوائرمنٹل پروٹیکشن کے سربراہ محمد الجابری نے بتایا کہ یجنسی نے نماز جمعہ کے لیے تمام ضروری انتظامات اور تیاریاں مکمل کرلی تھیں۔ تاکہ نمازی اور زائرین اطمینان اور سکون کے ساتھ عبادت کرسکیں۔


ان کا کہنا تھا کہ جمعہ کی صبح ایجنسی نے مسجد حرام کے تمام مقامات پر جراثیم کش اسپرے کیا۔ مقدس مقام میں عطر بیزی کی گئی۔ اس موقعے پر80 ہزار لیٹر طہارتی مواد استعمال کیا گیا۔ شاہ فہد توسیع اور مسجد حرام کی دیگر منزلوں میں عطر کا چھڑکاؤ کیا گیا۔ اس موقعے پر 1500 لیٹر عطریات کا چھڑکاؤ کیا گیا۔

(بشکریہ: العربیہ ڈاٹ نیٹ ۔ حامد القرشی)

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔