مدھیہ پردیش اسمبلی انتخابات میں بی جے پی کو ملی کراری شکست کا درد سابق وزیر اعلیٰ شیوراج سنگھ چوہان کو ابھی تک ستا رہا ہے اور وہ اپنا غم بھول نہیں پا رہے ہیں۔ کالا پیپل علاقہ میں ایک جلسہ عام سے خطاب کرتے ہوئے شیو راج چوہان نے جذباتی انداز میں لوگوں سے گلا کیا۔ انہوں نے شاعرانہ انداز میں لوگوں سے شکوہ کرتے ہوئے بالی ووڈ کے ایک مشہور گانے کی لائن دوہرا دیں اور کہا ’ہم سے کیا بھول ہوئی، جو یہ سزا ہم کو ملی۔‘ شیو راج سنگھ چوہان کی یہ ویڈیو سوشل میڈیا پر خوب وائرل ہو رہی ہے۔
ویڈیو میں شیوراج چوہان کہتے نظر آ رہے ہیں کہ انہوں نے عوام کی بہت خدمت کی لیکن پھر بھی انہیں ہار کا سامنا کرنا پڑا۔ انہوں نے کہا، ’’میں نے مدھیہ پردیش کے عوام کی خدمت کرنے میں کوئی کسر باقی نہیں رکھی۔ کالا پیپل میں نرمدا میّا (ندی) کا پانی لانے کا منصوبہ بنایا۔ ہم سے کوئی ناراضگی تھی کیا؟ ہم سے کیا بھول ہوئی جو یہ سزا ہم کو ملی۔‘‘ حالانکہ اس کے بعد شیوراج سنگھ چوہان نے فلسفیانہ انداز میں یہ کویتا بھی پڑھی۔ ’’کیا ہار میں، کیا جیت میں، کنچت (قطعی) نہیں بھیبھیت (خوفزدہ) میں، کرتویہ پتھ (فرض کی راہ) پر جو ملے، یہ بھی صحیح، وہ بھی صحیح۔
Published: undefined
اس کوتیا سے انہوں نے خود کو مطمئن کرنے کی کوشش کی یا پھر لوگوں میں اپنے تئیں ہمدردی پیدا کرنے کی! یہ تو وہی جانتے ہیں لیکن حقیقت یہ ہے کہ اب اگلے پانچ سال تک انہیں اسی طرح لوگوں سے اپنا غم سنا سنا کر وقت گزارنا ہوگا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر بشکریہ جمال عباس فہمی
تصویر: سوشل میڈیا