بلیک گوورس کی ہیٹ ٹرک، آسٹریلیا نے ہندوستان کو دی شکست

ایڈیلیڈ: آسٹریلیا کی مرد ہاکی ٹیم نے بلیک گوورس کی ہیٹ ٹرک کی مدد سے اتوار کو پانچ میچوں کی ٹیسٹ سیریز کے دوسرے میچ میں ہندوستان کو 7-4 سے شکست دی۔ ہندوستان کی جانب سے کپتان ہرمن پریت سنگھ (تیسرا، 60 ویں منٹ)، ہاردک سنگھ (25ویں منٹ) اور محمد راحل (36ویں منٹ) نے گول کئے۔ آسٹریلیا کی جانب سے گوورس (12ویں، 27ویں، 53ویں) کے علاوہ جیک ویلش (17ویں، 24ویں)، جیکب اینڈرسن (48ویں) اور جیک ویٹن (49ویں منٹ) نے گول کئے۔

پہلے میچ میں پانچ۔چار سے سنسنی خیز جیت درج کرنے کے بعد آسٹریلیا اس میچ کے لیے مزید جارحیت کے ساتھ میدان میں اترا۔ کپتان ہرمن پریت نے تیسرے منٹ میں پنالٹی کارنر کے ذریعے ہندوستان کو ابتدائی برتری دلائی لیکن دفاع کی کمی انہیں مہنگی پڑی۔

تیسرے کوارٹر کے اختتام تک، آسٹریلیا صرف چار۔تین سے آگے تھا۔ چوتھے کوارٹر کے آغاز میں آسٹریلیا نے ہندوستانی دفاع کی خراب کارکردگی کا فائدہ اٹھاتے ہوئے تین گول کر کے میچ اپنے قبضہ میں کر لیا۔ ہرمن پریت نے آخری لمحات میں پنالٹی اسٹروک پر گول کیا لیکن اس سے شکست کا فرق ہی کم ہو سکا۔

اس جیت کے ساتھ ہی آسٹریلیا نے سیریز میں دو-صفر کی برتری حاصل کر لی ہے۔ ہندوستان اور آسٹریلیا اب بدھ کے روز تیسرے میچ میں آمنے سامنے ہوں گے۔