آل انگلینڈ چمپئن شپ: ہندوستانی کھلاڑی لکشیہ بلامقابلہ سیمی فائنل میں داخل

بیڈمنٹن عالمی چمپئن شپ میں کانسہ کا تمغہ حاصل کر چکے ہندوستانی کھلاڑی لکشیہ سین آل انگلینڈ چمپئن شپ مردوں کے سنگل طبقہ کے سیمی فائنل میں پہنچ گئے ہیں۔ ان کے حریف چین کے لو گوانگ جو نے انھیں واک اوور دے دیا، جس کی وجہ سے وہ بلامقابلہ سیمی فائنل میں داخل ہو گئے۔

الموڑا سے تعلق رکھنے والے 20 سالہ لکشیہ سین نے جنوری میں پہلا سپر 500 انڈیا اوپن خطاب جیتا تھا۔ اس کے بعد وہ گزشتہ ہفتہ جرمن اوپن میں نائب فاتح رہے۔ اب ان کا سامنا ملیشیا کے چھٹی شیڈ یافتہ لی جی جیا اور جاپان کے دوسری شیڈ یافتہ کینتو موموتو کے درمیان ہونے والے میچ کے فاتح سے ہوگا۔ ہندوستان کے پانچویں شیڈ یافتہ ساتوک سائراج رانکیریڈی اور چراغ شیٹی کوارٹر فائنل میں انڈونیشیا کے مارکس فرنالڈی گائیڈون اور کیون سنجیا سوکاموجو سے 22-24، 17-21 سے ہار گئے۔ دوسری طرف لکشیہ سین نے جمعرات کو دنیا کے تیسرے نمبر کے کھلاڑی اور دو بار عالمی چمپئن شپ کے میڈل یافتہ ڈنمارک کے اینڈرس اینٹونسین کو ہرا کر کوارٹر فائنل میں پہنچے تھے۔