ہر برس گرمیوں میں ماسکو میں دس سے تین ہفتوں کے لیے گرم پانی کی فراہمی بند کر دی جاتی ہے۔ گرم پانی کی سپلائی اچانک نہیں بند کر دی جاتی بلکہ تمام افراد اس سے باخبر ہوتے ہیں۔
Published: undefined
بعض مغربی لوگ اکیسویں صدی میں گرم پانی کی سپلائی کو روکنا محض ایک مذاق خیال کرتے ہیں۔ روس میں گرم پانی کی سپلائی سابقہ کمیونسٹ دور کا ورثہ ہے۔ یہ سپلائی صرف ماسکو ہی میں نہیں بلکہ بقیہ سبھی شہروں میں بھی روکی جاتی ہے۔ ہر شہر کو گرم پانی کی فراہمی مقامی سطح پر قائم پاور کمپنی سے کی جاتی ہے۔ روسی دارالحکومت میں گرم پانی کی سپلائی ماسکو انٹیگریٹڈ پاور کمپنی (MOEK) کی ذمہ داری ہے۔
Published: undefined
روس میں سینٹرل ہیٹنگ سسٹم سے گرم پانی کی سپلائی جڑی ہوئی ہے۔ ملک کے سبھی شہروں میں ہائیڈرو الیکٹرک پاور پلانٹس سے مکینوں کو ان کے گھروں تک گرم پانی فراہم کیا جاتا ہے۔ یہ ایک پیچیدہ نظام ہے اور اس میں بے شمار پائپس کئی میٹر تک استعمال کیے گئے ہیں۔ سردیوں میں اس نظام کو بغیر کسی رکاوٹ کے جاری رکھنے کے لیے موسم گرما میں معائنے کے لیے اس سپلائی کو بند کر دیا جاتا ہے۔
Published: undefined
اس بندش کے دوران تمام پائپس کا مکمل چیک اپ کیا جاتا ہے۔ جہاں جہاں سے گرم پانی رستا ہے، اس کی مرمت کی جاتی ہے تا کہ کم سے کم پانی ضائع ہو۔ اس معائنے کے دوران پائپس کئی جگہ پر تبدیل بھی کیے جاتے ہیں۔ ان پائپ کے ذریعے لوگوں تک چالیس ڈگری سیلسیئس کا گرم پانی میسر ہوتا ہے۔ اس بندش کے دوران پانی کا پریشر بھی چیک کیا جاتا ہے۔ نگران کمپنی کا کہنا ہے کہ تمام پائپوں کے معائنے کے لیے کم از کم دس روز درکار ہوتے ہیں اور مسلسل یہ کام جاری رکھنے میں مشکلات بھی حائل ہو سکتی ہیں۔
Published: undefined
ماسکو ایک بہت بڑا شہر ہے اور اس میں نئے رہائشی اپارٹمنٹس کی تعمیر کے کئی سلسلے جاری ہیں۔ ایسے اپارٹمنٹس میں انڈر گراؤنڈ پارکنگ، چوبیس گھنٹے چوکیداری، خرید و فروخت کے اسٹورز اور کسرتی مراکز بھی قائم ہوتے ہیں۔ تمام تر جدید سہولیات کے ساتھ ان میں بھی ایک شے پرانی ہوتی ہے اور وہ گرم پانی کی سپلائی کے نل ہیں۔
Published: undefined
ایسے ایک جدید اپارٹمنٹ کے مالک میکسم میخنینکو کا کہنا ہے کہ مہنگے اپارٹمنٹ معیار کا مناسب مظہر نہیں ہوتے۔ ان جدید رہائشی اپارٹمنٹس میں بھی گرم پانی کی سپلائی موسم گرما میں معطل کر دی جاتی ہے اور رہائشیوں کو خاصی پریشانی کا سامنا کرنا پڑتا ہے۔
Published: undefined
روسی شہریوں کو گرمی کے موسم میں گرم پانی کی سپلائی کو مجبوری کے تحت برداشت کرنا پڑتا ہے اور ابھی تک اس مسئلے کے لیے کوئی متبادل بھی سامنے نہیں آیا ہے۔ حکام اس معطلی کو ایک ٹیکنیکل مسئلہ قرار دیتے ہیں۔ اس تناظر میں بیان کیا جاتا ہے کہ سلامتی و تحفظ کے معیارات کی روشنی میں سپلائی روک دی جاتی ہے تا کہ کسی بڑے حادثے سے محفوظ رہا جا سکے۔ واٹر سپلائی ایکسپرٹ سویتلانا رازووروتنیفا کا کہنا ہے کہ سالانہ چیک اپ اشد ضروری ہیں اور ہر شہری کو اس پریشانی کا سامنا رہتا ہے لیکن یہ ان کی بہتری ہی میں ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined