سماج

اس سال نوبل امن انعام کس کو مل سکتا ہے؟

نوبل امن انعام کے لیے اس سال نامزدگیوں کی تعداد گزشتہ سال کے مقابلے کم ہے لیکن اب بھی تین سو سے زائد نام زیر غور ہیں۔ اس مرتبہ زیادہ تر کا تعلق یوکرین میں ایک برس سے جاری جنگ سے ہے۔

اس سال نوبل امن انعام کس کو مل سکتا ہے؟
اس سال نوبل امن انعام کس کو مل سکتا ہے؟ 

ناروے کی نوبل کمیٹی نے کہا ہے کہ اسے اس برس نوبل امن انعام کے لیے 305 نامزدگیاں موصول ہوئی ہیں، جو کہ گذشتہ چار برسوں میں سب سے کم تعداد ہے۔ ان نامزدگیوں میں 212 افراد اور 93 تنظیمیں شامل ہیں۔

Published: undefined

کمیٹی کی طرف سے جاری بیان میں بتایا گیا ہے کہ سن 2022 میں اوسلو میں کمیٹی نے 343 درخواستوں پر غور کیا تھا۔ "گزشتہ مسلسل آٹھ برسوں سے امیدواروں کی تعداد 300 سے تجاوز کر رہی ہے۔ سن 2016 میں امیدواروں کی تعداد 376 کی ریکارڈ سطح تک پہنچ گئی تھی۔"

Published: undefined

کسے نامزد کہا جاتا ہے؟

نامزدگیوں کے بعد 50 برس تک ناموں کو سرکاری طور پر جاری نہ کرنا میعاری طریقہ کار ہے۔ تاہم وہ لوگ جو نوبل امن انعام کے لیے نامزد کرنے کے اہل ہیں، مثلاً سابق انعام یافتگان، قانون ساز اور یونیورسٹی کے کچھ پروفیسرز، وہ اس شخص یا تنظیم کا نام ظاہر کرنے کے لیے آزاد ہیں، جسے انہوں نے پیش کیا ہے۔

Published: undefined

اس سال اب تک عوامی طورپر ظاہر کیے گئے بہت سے نام ان لوگوں یا تنظیموں کے ہیں جو یوکرین جنگ میں شامل رہے ہیں یا جو روسی صدر ولادیمیر پوٹن کی مخالفت کرتے رہے ہیں۔ پوٹن نے سن 2021 میں خود کو نامزد کیا تھا۔

Published: undefined

جن لوگوں کو اس برس نوبل امن انعام کے لیے نامزد کیا گیا ہے ان میں یوکرین کے صدر وولودیمیر زیلنسکی، ترک صدر رجب طیب ایردوآن، نیٹو کے سربراہ جینز اسٹولٹن برگ اور بین الاقوامی جنگی جرائم کے قیام کے لیے کوشاں ایک یوکرینی گروپ شامل ہے۔

Published: undefined

دیگر جن کے نامزد کیے جانے کی اطلاعات ہیں ان میں جیل میں بند پوٹن مخالف کارکن الیکسی نوالنی، صحافی اور سیاسی کارکن کارا مرزا اور جمہوریت نواز نوجوانوں کی تحریک ویسنا ہیں۔

Published: undefined

ماحولیات کے لیے سرگرم گریٹا تھنبرگ بھی شامل

ایرانی خواتین کے حقوق کی علمبردار مسیح علی نژاد اور ان کی حجاب مخالف تحریک 'آزادی یواشکی زنان در ایران (My Stealthy Freedom) کو بھی نوبل امن انعام کے لیے نامزد کیا گیا ہے۔

Published: undefined

یہ بھی خیال کیا جاتا ہے کہ جن دیگر افراد کو نامزد کیا گیا ہے ان میں چین اور ہانگ کانگ کے جمہوریت نواز کارکنان مثلاً چاو ہینگ ٹنگ، پینگ لیفا اور ایغور ٹرائیبونل گروپ شامل ہیں۔ اقوام متحدہ میں میانمار کے سفیر کیاو موئے ٹن اور میانمار کی فوج مخالف اتحاد این یو سی سی کو بھی نامزد کیے جانے کی اطلاعات ہیں۔

Published: undefined

قاہرہ کی کچی آبادیوں میں غریبوں کی مدد کرنے والی ایک کارکن میگی گوبران بھی مبینہ طورپر نوبل امن انعام کے امیدواروں میں شامل ہیں۔ ماحولیات کی سرگرم کارکن سویڈن کی گریٹا تھن برگ اور یوگانڈا کی وینیسانکاتے کو بھی اس سال نوبل انعام کے لیے نامزد کیا گیا ہے۔

Published: undefined

نوبل امن انعام کے فاتح کا اعلان اکتوبر میں کیا جائے گا۔ انعام ڈائنامائٹ کے موجد اور نوبل انعامات کی بنیاد رکھنے والے الفریڈ نوبل کی برسی کے موقع پر 10 دسمبر کو دیا جائے گا۔ گزشتہ برس یہ انعام روس کے انسانی حقوق کے گروپ میموریل، یوکرین کے سینٹر فار سول لبرٹیز اور جیل میں بند بیلاروس میں انسانی حقوق کے کارکن الیس بیایاٹسکی میں تقسیم کیا گیا تھا۔ یہ تینوں یوکرین جنگ کی نکتہ چینی کرتے رہے ہیں۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined