یہ واقعہ جرمن شہر نوئے اُلم میں دریائے ڈینیوب کے کنارے پیش آیا۔ عینی شاہدین کے مطابق اس اکتیس سالہ جرمن خاتون کا موبائل فون جمعے اور ہفتے کی درمیانی شب دریا میں گر گیا تھا۔ اپنا موبائل تلاش کرنے کے لیے یہ خاتون ایک ریلوے پُل کے قریب دریائے ڈینیوب میں اتر گئی تھی۔
Published: undefined
دریا کے تیز رفتار پانی کے باعث اس خاتون نے پُل کو تھامے رکھا لیکن تھوڑا آگے جا کر وہ تیرنے لگی اور پھر اچانک غائب ہو گئی۔ اس خاتون کے ساتھ رہنے والی ایک اور لڑکی بھی وہاں موجود تھی اور خاتون کے دریا میں غائب ہوتے ہی اس نے ہنگامی مدد کرنے والے ادارے کو فون کر دیا۔
Published: undefined
پولیس کے مطابق ریسکیو ٹیم اطلاع ملنے کے فوری موقع پر پہنچ گئی اور خاتون کی تلاش شروع کر دی۔ امدادی ٹیمیں غوطہ خوروں، ایک ہیلی کاپٹر اور کئی کشتیوں کی مدد سے لاپتہ خاتون کی تلاش جاری رکھے ہوئے ہیں۔
Published: undefined
ہفتے کی صبح تک امدادی ٹیمیں اس خاتون کو تلاش نہیں کر پائی تھیں۔ پولیس کے مطابق ایک مقامی شخص نے پولیس کو یہ بھی بتایا کہ یہ خاتون دریا سے نکلنے میں کامیاب ہو گئی تھی۔ تاہم پولیس کے ایک ترجمان کے مطابق اس اطلاع کے پیش نظر بھی پولیس اپنی تحقیقات جاری رکھے ہوئے ہے۔
Published: undefined
جرمنی کی دو فاقی ریاستوں باویریا اور باڈن ورٹمبرگ کی سرحد پر واقع اس مقام پر دریائے ڈینیوب کے پانی کی رفتار عام طور پر بہت تیز ہوتی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined