ایران میں ستمبر سے ہی حکومت مخالف ملک گیر مظاہروں کا سلسلہ جاری ہے۔ یہ مظاہرے ایک ایرانی کرد خاتون مہسا امینی کی اخلاقی پولیس کی حراست کے دوران موت کے بعد شروع ہوئے تھے۔ ایرانی حکومت ان مظاہروں کو روکنے کے لیے سخت ترین کارروائیاں کر رہی ہے، جس میں اب تک سینکڑوں افراد ہلاک ہو چکے ہیں۔
Published: undefined
خواتین اور لڑکیوں کے حقوق کی خلاف ورزی کا حوالہ دیتے ہوئے اقوام متحدہ کے اقتصادی اور سماجی کونسل میں ایران کو اقوام متحدہ خواتین کمیشن (یو این سی ایس ڈبلیو) سے نکالنے کے لیے بدھ کے روز ووٹنگ ہوئی۔ ووٹنگ کی تجویز امریکہ نے پیش کی تھی۔ تجویز کے حق میں 29ممالک نے ووٹ دیے جب کہ 8 نے اس کی مخالفت کی اور 16 ووٹنگ سے غیر حاضر رہے۔
Published: undefined
ایران کے اہم حلیف روس نے تجویز کی مخالفت کی۔ اس نے اقوام متحدہ کے ماہرین قوانین سے ان کی آرا طلب کرنے پر زور دیا کہ آیا اقتصادی اور سماجی کونسل کو تہران کو رکنیت سے نکالنے کا قانونی حق حاصل بھی ہے۔
Published: undefined
تجویز میں تہران کے اقدامات پر "سخت تشویش" کا اظہار کرتے ہوئے کہا گیا ہے کہ "ملک میں خواتین اور لڑکیوں کے انسانی حقوق کو مسلسل نظر انداز کیا جارہا ہے اور انہیں دبایا جا رہا ہے۔" امریکی تجویز میں "مظاہرین کے خلاف ہلاکت خیز قوت استعمال کرنے اور اس کے نتیجے میں پرامن مظاہرین کی اموات " کی مذمت کی گئی ہے اور کہا گیا ہے تہران کی پالیسیاں یو این سی ایس ڈبلیوکے اصولوں کے منافی ہیں۔
Published: undefined
اقوام متحدہ کی اقتصادی اور سماجی کونسل ہر چار برس کے لیے یو این سی ایس ڈبلیوکے 45 اراکین کا انتخاب کرتی ہے۔ ایران کو سن 2022 سے سن 2026کی مدت کے لیے رکن منتخب کیا گیا تھا۔
Published: undefined
امریکہ کی نائب صدر کمالا ہیرس نے نومبر میں کہا تھا کہ واشنگٹن دیگر ملکوں کے ساتھ مل کر ایران کو یو این سی ایس ڈبلیو سے ہٹانے کے لیے کام کرے گا۔ سابق وزیر خارجہ ہلیری کلنٹن نے بھی ایران کو کمیشن سے نکالنے کی مہم چلائی تھی۔
Published: undefined
کمالا ہیرس نے آج ٹوئٹر پر لکھا،"اقوام متحدہ کے خواتین کمیشن سے ایران کی برطرفی کے لیے آج کی ووٹنگ ایران میں مظاہرین اور ان کا ساتھ دینے والوں کے لیے فتح ہے۔" ایران نے الزام لگایا کہ امریکہ نے دیگر ملکوں پر اس کے خلاف ووٹ دینے کے لیے دباؤ ڈالا تھا۔
Published: undefined
معروف تھنک ٹینک انٹرنیشنل کرائسس گروپ کے اقوام متحدہ کے ڈائریکٹر رچرڈ گوان نے کہا کہ کونسل کے بعض ممبران ووٹنگ کے طریقہ کار کے حوالے سے متذبذب تھے۔
Published: undefined
گوان نے ٹوئٹر پر لکھا کہ امریکہ نے " تجویز پیش کر کے بظاہر دھمکی دیتے ہوئے اس معاملے پر دباؤ ڈالا اور مظاہرین کے خلاف ایران کے اقدامات کی وجہ سے بہت سے اراکین کے سامنے اس کے حق میں ووٹ دینے کے علاوہ کوئی دوسرا چارہ بھی نہیں تھا۔"
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined