برطانیہ کے وزیر خزانہ رِشی سوناک نے کہا کہ دیوالی کے تہوار کے موقع پر اس یادگاری سکے کو جاری کرتے ہوئے وہ فخر محسوس کررہے ہیں۔ سوناک کا کہنا تھا،”ہندو مذہبی عقیدے پر عمل کرنے والے ایک شخص کے طورپر مجھے فخر ہے کہ میں دیوالی کے موقع پر اس سکے کو جاری کر رہا ہوں۔"
Published: undefined
برطانوی وزیر خزانہ کا کہنا تھا،”مہاتما گاندھی نے بھارت کی آزادی کی تحریک میں بنیادی کردار ادا کیا اور ان کی قابل ذکر زندگی کی یاد میں پہلی مرتبہ کوئی برطانوی سکہ جاری کرنا انتہائی شاندار ہے۔"
Published: undefined
سوناک کا مزید کہنا تھا کہ یہ سکہ ایک ایسے رہنما کو مناسب خراج عقیدت ہے جس نے اپنی ذات سے پوری دنیا کو متاثر کیا۔
Published: undefined
بھارتی ہندو دیوالی کے مذہبی تہوار کے موقع پر بالعموم ایک دوسرے کو تحائف پیش کرتے ہیں جن میں سونے اور چاندی سے تیار اشیاء، زیورات اور سکے وغیرہ شامل ہوتے ہیں۔ بھارت میں اس برس دیوالی کا تہوارکل منایا گیا۔
Published: undefined
اس سکے میں ایک طرف بھارت کا قومی پھول کنول بنا ہوا ہے اور اس پر مہاتما گاندھی کا مشہور قول”میری زندگی ہی میرا پیغام ہے‘‘ کندہ ہے۔ اسے حنا گلوور نے ڈیزائن کیا ہے۔
Published: undefined
یہ سکہ برطانوی شاہی ٹکسال 'رائل منٹ‘ کے وسیع تر دیوالی کلیکشن کا حصہ ہے۔ یہ پہلا موقع ہے جب مہاتما گاندھی کو کسی برطانوی سکے پر جگہ دی گئی ہے۔ یہ سکہ سونے اور چاندی دونوں میں دستیاب ہوگا۔
Published: undefined
گو کہ اس سکے کی سرکاری اور قانونی حیثیت ہوگی تاہم اسے عام چلن کے لیے جاری نہیں کیا گیاہے۔ یہ دیوالی کے موقع پر جاری کیے جانے والے دیگر اشیاء کے ساتھ جمعرات سے فروخت کے لیے دستیاب ہے۔
Published: undefined
رائل منٹ نے دیوالی کے موقع پرسونے کی چھڑیں بھی فروخت کے لیے تیار کی ہیں جن پر ہندوعقیدے کے مطابق دولت کی دیوی لکشمی کا عکس کندہ ہے۔
Published: undefined
سوناک نے تمام شعبہ حیات سے تعق رکھنے والی اقلیتی کمیونٹی کی نمائندگی کو اجاگر کرنے والی مہم کے حصے کے طور پر گزشتہ برس ”تنوع پر مبنی برطانیہ" کے عنوان سے 50 پینی کا ایک نیا سکہ جاری کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined