آل راونڈر محمدحفیظ اور تیزگیندباز وہاب ریاض سمیت پاکستان کے چھ کرکٹ کھلاڑی اپنی کورونا وائرس کی جانچ رپورٹ نگیٹیو آنے پر اب انگلینڈ دورہ پر گئی پاکستانی ٹیم میں شامل ہونے کے لئے تین جولائی کو مینچسٹر روانہ ہوں گے۔
Published: undefined
ٹیم میں شامل ہونے والے ان چھ کھلاڑیوں میں آل راونڈر محمدحفیظ اور تیزگیندباز وہاب ریاض کے علاوہ فخر زمان ، محمدحسنین ، محمدرضوان اور لیگ اسپنر شاداب خان شامل ہیں۔ یہ سبھی تین جولائی کو پاکستان کے لاہور سے انگلینڈ کے مینچیسٹر کے لئے روانہ ہوں گے۔
Published: undefined
مینچیسٹر پہنچنے کے بعد یہ کھلاڑی وارسیسٹرشائر جائیں گے اور ٹیم میں شامل ہوں گے۔ کرکٹروں نے تین دنوں میں کورونا وائرس کی دو مرتبہ جانچ کرائی تھی اور دونوں رپورٹ نگیٹیو آئی تھیں۔ پاکستان کے چھ کرکٹر کورونا وائرس سے متاثر ہونے کی وجہ سے پہلے پاک ٹیم کے ساتھ انگلینڈ دورہ پر نہیں جاسکے تھے۔ اس وقت ان کی رپورٹ مثبت آئی تھی اور ٹیم میں شامل ہونے کے لئے دو مرتبہ جانچ رپورٹ کا نگیٹیو آنا ضروری تھا۔
Published: undefined
ان چھ کرکٹروں کی جانچ رپورٹ 26 جون کو نگیٹیو آئی تھی اور اس کے بعد 29 جون کو بھی ان کی جانچ کی گئی جس کی رپورٹ نگیٹیو آئی ہے۔ پاکستان میں شروعاتی دور کی جانچ میں دس کھلاڑی اور ایک اسٹاف کورونا وائرس سے متاثر پائے گئے تھے۔
Published: undefined
خیال رہے کہ 28 جون کو پاکستانی ٹیم 3 ٹیسٹ اور تین ٹی 20 میچوں کی سیریز کے لیے دورہ انگلینڈ پر روانہ ہوئی تھی، جس میں وہ 10 کھلاڑی شامل نہیں تھے جن کے کورونا کے ٹیسٹ مثبت آئے تھے۔
Published: undefined
دورہ انگلینڈ کے لیے قومی ٹیم کے ابتدائی طور پر 29رکنی اسکواڈ کا اعلان کیا گیا تھا تاہم اعلان کردہ کھلاڑیوں کے ٹیسٹ لیے گئے تو 10 کھلاڑیوں اور ایک اسٹاف کے رکن میں کورونا کی تصدیق ہوئی تھی۔ بعد ازاں پاکستان کرکٹ بورڈ نے کورونا وائرس کا شکار ان 10 کھلاڑیوں کے بغیر 20 رکنی اسکواڈ کا اعلان کیا تھا حالانکہ ان میں سے 6 کھلاڑیوں کے ٹیسٹ 27 جون کو منفی آنے کا انکشاف ہوا تھا۔ اس حوالے سے ایک بیان میں پی سی بی نے بتایا تھا کہ محمد حسنین، شاداب خان، فخر زمان، محمد رضوان، محمد حفیظ اور وہاب ریاض کا ٹیسٹ منفی آیا ہے تاہم وہ انگلینڈ جانے والی 20 رکنی ٹیم میں شامل ہونے سے قبل ایک مرتبہ پھر ٹیسٹ کے عمل سے گزریں گے۔
Published: undefined
یاد رہے کہ پاکستان کرکٹ نے جس 20 رکنی اسکواڈ کا اعلان کیا تھا اس میں اظہر علی، بابر اعظم، عابد علی، اسد شفیق، فہیم اشرف، فواد عالم، عامد وسیم، امام الحق، خوشدل شاہ، محمد موسیٰ، محمد عباس، نسیم شاہ، روحیل نذیر، سرفراز احمد، شاہین شاہ آفریدی، شان مسعود، سہیل خان، عثمان شنواری، اور یاسر شاہ شامل ہیں۔
Published: undefined
اس کے علاوہ اسپورٹس اسٹاف مصباح الحق، یونس خان، منیجر منصور رانا، مشتاق احمد، شاہد اسلم، عبدالمجید، طلحہٰ بٹ، یاسر ملک، ڈاکٹر سہیل سلیم، کرنل ریٹائرڈ عثمان انوری اور رضا کچلیو شامل ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا