’آپ کی دوستی سے میری مقبولیت نہیں بڑھی‘، اٹلی کی وزیر اعظم میلونی نے امریکی صدر ٹرمپ کو لگائی پھٹکار

امریکی صدر ڈونالڈ ٹرمپ نے دعویٰ کیا ہے کہ فرانس میں منعقدہ جی-7 اجلاس کے دوران اٹلی کی وزیر اعظم جارجیا میلونی نے ان سے بار بار تصاویر کھنچوانے کی درخواست کی تھی۔ ٹرمپ کے مطابق میلونی اپنی گرتی ہوئی مقبولیت کو بچانے کے لیے ایسا کر رہی تھیں اور وہ دوبارہ دوستی کا ہاتھ بڑھانا چاہتی ہیں۔ ٹرمپ کے اس بیان پر اٹلی کی وزیر اعظم میلونی نے سخت رد عمل کا اظہار کیا ہے۔ انھوں نے ٹرمپ کو سخت جواب دیتے ہوئے کہا کہ ’’صدر ٹرمپ، یہ مسلسل اور بلا اشتعال کیے جانے والے حملے بالکل بے معنی ہیں۔ جہاں تک میری مقبولیت کا تعلق ہے، تو آپ کا دوست ہونے سے اس میں کوئی مدد نہیں ملی ہے، اور نہ ہی یہ آپ کے ساتھ میرے تعلقات پر منحصر ہے۔‘‘