روس نے نیوکلیئر طاقت والے کروز میزائل کا تجربہ کیا!

یوکرین کے خلاف جنگ کے درمیان روس نے لامحدود رینج اور کئی ماہ تک فضا میں رہنے کی صلاحیت کے حامل جوہری میزائل کا تجربہ کیا ہے۔ روسی صدر ولادیمیر پوتن کے مطابق اس وقت میزائل نے 14 ہزار کلومیٹر تک 15 گھنٹے تک پرواز کی۔ اس دوران بورےویستنک نامی یہ غیر مرئی میزائل   یعنی جسے آنکھ سے دیکھا نہ جا سکے ایسامیزائل جو دنیا سے مکمل طور پر پوشیدہ رہا۔

اتوار کو پوتن نے روسی یوکرین کے جنگی میدان کا دورہ کیا اور فیلڈ کمانڈروں سے ملاقات کی۔ فوجیوں سے خطاب کرتے ہوئے پوتن نے بورےویستنک کروز میزائل کے کامیاب تجربے کے بارے میں معلومات شیئر کیں۔ پوتن نے بتایا کہ روسی چیف آف جنرل اسٹاف جنرل ویلری گیراسیموف نے 21 اکتوبر کو اطلاع دی کہ میزائل نے 14000 کلومیٹر کا فاصلہ طے کیا اور دنیا کے تمام فضائی دفاعی نظام کو شکست دینے کی اپنی صلاحیت کا مظاہرہ کیا۔ دنیا کا کوئی بھی دفاعی نظام اس کا پتہ لگانے میں ناکام رہا۔

پوتن کے مطابق دنیا کے کسی بھی ملک کے پاس بورےویستنک کروز میزائل جیسی کوئی چیز نہیں ہے، جس کی لامحدود رینج ہے۔ پوتن نے کہا کہ ’’بورےویستنک کروز میزائل ایک ایسا ہتھیار ہے جو جوہری انجن سے چلتا ہے اور اس کی لامحدود رینج ہے۔‘‘ اس کا مطلب ہے کہ یہ میزائل دنیا کے کسی بھی کونے میں جوہری وار ہیڈز پہنچانے کی صلاحیت رکھتا ہے۔پوتن نے اسے موجودہ اور مستقبل کے میزائل دفاعی نظام کے لیے "ناقابل تسخیر" قرار دیا۔ تاہم روس نے اس میزائل کا کوئی ثبوت پیش نہیں کیا۔