ٹرمپ کے اتحادیوں کو عدالت سے ایک اور جھٹکا

امریکہ کے ٹیکساس میں ایک جج نے سنیچر کو ریپبلکن لوئس گوہرٹ کی جانب سے پیش ایک معاملے کو خارج کردیا جس میں نائب صدر مائیک پینس کو حالیہ اختتام پذیر ہونے والے صدارتی انتخابات کے حتمی نتائج کی تصدیق کرنے سے روکنے کے لئے مطالبہ کیا گیا تھا۔

بی بی سی نے خبر دی ہے کہ نومبر میں امریکی انتخابات کے نتائج کو منسوخ کرنے کے لئے صدر ڈونالڈ ٹرمپ کے اتحادیوں کی ایک کوشش کو عدالتوں نے مسترد کردیا ہے۔ جمعرات کو مسٹر پینس کے وکیل نے مقدمہ کو خارج کرنے کا مطالبہ کیا تھا۔

نامزد صدر جو بائیڈن 20 جنوری کو اپنا عہدہ سنبھالنے والے ہیں،حالانکہ مسٹر ٹرمپ نے ابھی تک اپنی شکست تسلیم نہیں کی ہے۔

ریپبلکن کانگریس کے مسٹر گوہرٹ نے نامہ نگاروں کو بتایا کہ وہ فیصلے کو چیلنج دینے کا منصوبہ بنا رہے ہیں۔

ریپبلکن پارٹی میں مسٹر ٹرمپ کے دوستوں اور ساتھیوں نے نومبر کے نتائج کے سامنے کئی قانونی چیلنج پیش کیے ہیں۔ مسٹر بائیڈن کی فتح کا اعلان ووٹوں کی گنتی کے کئی دن بعد ہوا کیونکہ کورونا وائرس کے وبا کی وجہ سے بڑی تعداد میں پوسٹل بیلٹ ڈالے گئے تھے۔

مسٹر ٹرمپ نے متعدد دعوے کیے ہیں کہ مسٹر بائیڈن نے فیصلہ کن فتح حاصل کرنے کے لئے انتخابات میں دھاندلی کی تھی حالانکہ انہوں نے اس سلسلے میں کوئی ثبوت پیش نہیں کیا ہے۔