کلکتہ: درگا پوجا کے بعد ایک بعد پھرلاک ڈاؤن نافذ کیے جانے کی خبروں کی کلکتہ پولس نے تردید کرتے ہوئے کہا ہے کہ سوشل میڈیا پر جھوٹی خبر پھیلانے والوں کے خلاف کارروائی کی جائے گی۔ درگا پوجا کے بعد ریاست میں کورونا وائرس کے کیسوں میں اضافے کے بعد آج صبح سے ہی سوشل میڈیا پر یہ افواہ گردش کر رہی ہے کہ چند دنوں میں بنگال میں 48 گھنٹے کا لاک ڈاؤن نافذ کیا جائے گا۔ اس کے بعد ہی کلکتہ پولیس نے اپنے ٹوئٹر ہینڈل سے اس کی تردید کرتے ہوئے کہا کہ یہ جھوٹی خبر انتشار پھیلانے کے لئے پھیلائی جا رہی ہے اس میں کوئی سچائی نہیں ہے۔
کلکتہ پولیس نے اپنے ٹوئٹ میں لکھا ہے کہ ’’لاک ڈاؤن کی خبریں افواہ ہیں۔ جو پیغام سوشل میڈیا پر وائرل ہو رہا ہے اس سے لوگوں میں خوف و ہراس پھیل رہا ہے اور عام لوگ خوف و ہراس میں مبتلا ہیں۔ ایسی جعلی خبریں نشر کرنے یا اس طرح کے جعلی پیغامات پھیلانے والوں کے خلاف قانونی کارروائی کی جائے گی۔ یہ ایک پرانا پیغام ہے جس کو نئے سرے سے پھیلاتے ہوئے لوگوں کے ذہنوں میں الجھن پیدا کرنے کی کوشش کی جا رہی ہے۔
Published: 29 Oct 2020, 7:26 AM IST
نئی دہلی: صدررام ناتھ کووند نے پیغمبر حضرت محمدؐ کے یوم پیدائش پر قوم کو عید میلادالنبی کی مبارکباد پیش کرتے ہوئے کہا کہ نبی حضرت محمدؐ نے باہمی محبت اور بھائی چارے کا پیغام دے کردنیا کے سامنے انسانیت کا راستہ دکھایا۔ صدر نے جمعرات کو اپنے پیغام میں کہا کہ عید میلاد یا میلاد النبی کے موقع پر میں تمام ملک کے باشندوں کو خصوصاً ہمارے مسلمان بھائیوں اور بہنوں کو مبارکباد پیش کرتا ہوں۔ پیغمبرمحمد اسلام کی تعلیمات کے مطابق آئیے ہم سب معاشرے کی فلاح و بہبود اور ملک میں امن و امان کے لئے کام کریں۔ '
Published: 29 Oct 2020, 7:26 AM IST
اڈوپی: کرناٹک میں مالپے پورٹ میں ایک سرکاری ٹیم نے جمعرات کے روز ماہی گیری میں لگائے گئے 17 بچوں کو رہا کرایا۔ ذرائع نے بتایا کہ خصوصی کارروائی کرناٹک ویمن اینڈ چائلڈ ڈویلپمنٹ، چائلڈ پروٹیکشن یونٹ، لیبر ڈیپارٹمنٹ اور پولس، چائلڈ ہیلپ لائن اور سول سروس ٹرسٹ کے نمائندوں نے مشترکہ طور پر کی تھی، جس میں ماہی گیری کے کام میں لگائے گئے بچوں کو رہا کرایا گیا۔ رہا کیے گئے بچوں کا تعلق بیلاری اور کوپل سے ہے اور انہیں چلڈرن ویلفیئر کمیٹی کے سامنے پیش کیا گیا۔ افسران کی ٹیم میں ڈسٹرکٹ چائلڈ پروٹیکشن آفیسر سدانند نائک، لیبر آفیسر کمار، لیبر انسپکٹر پروین اور دیگر شامل تھے۔
Published: 29 Oct 2020, 7:26 AM IST
یوپی کے میرٹھ میں دیوالی پر فروخت کرنے کے لئے ایک گھر میں رکھے گئے پٹخوں میں اچانک آگ گئی اور زبردست دھماکہ ہو گیا۔ دھماکہ اتنا زبرست تھا کہ کئی گھروں کی چھت اڑ گئی۔ قصبہ سردھنہ یہ واقعہ سردھنہ کے محلہ پیرزادگان میں ہونے والے اس حادثہ میں دو لوگوں کے ہلاک ہونے کی اطلاع ہے، جبکہ 10 سے زیادہ افراد زخمی ہوئے ہیں۔ حادثہ کے بعد لوگوں نے موقع پر پہنچ کر زخمیوں کو ملبے سے باہر نکالا اور انہیں اسپتال پہنچایا۔
Published: 29 Oct 2020, 7:26 AM IST
بہار کے مونگیر میں تازہ تشدد ہوا ہے۔ نامعلوم افراد نے ایس ڈی او اور ایس پی آفس کو آگ لگا دی اور متعدد گاڑیوں کو نذر آتش کردیا۔ یہ لوگ 26 اکتوبر کو درگا وسرجن کے وقت فائرنگ کے واقعہ کے دوران ایک شخص کی ہلاکت کے خلاف احتجاج کر رہے تھے اور مونگیر کے ایس پی اور ایس ڈی او کے خلاف کارروائی کا مطالبہ کر رہے تھے۔
Published: 29 Oct 2020, 7:26 AM IST
سپریم کورٹ نے اتراکھنڈ ہائی کورٹ کے اس فیصلہ پر روک لگا دی ہے جس میں بدعنوانی کے ایک معاملہ میں سی بی آئی جانچ کا حکم دیا تھا۔ سپریم کورٹ میں تریویندر سنگھ راوت نے کہا ہے کہ ہائی کورٹ نے بدعنوانی کے معاملہ میں ان کے خلاف سی بی آئی جانچ کا حکم دیتے وقت انہیں اپنی بات رکھنے کا موقع نہیں دیا۔
Published: 29 Oct 2020, 7:26 AM IST
گجرات کے سابق وزیر اعلیٰ کیشو بھائی پٹیل کا آج دل کا دورہ پڑنے کی وجہ سے انتقال ہو گیا۔ کیشو بھائی پٹیل دو بار گجرات کے وزیر اعلیٰ رہ چکے تھے۔ 92 سالہ کیشو بھائی 92 سال کے تھے اور دو دن قبل کورونا سے متاثر ہوئے تھے۔
Published: 29 Oct 2020, 7:26 AM IST
تریپولی: لیبیا کے دارالحکومت تریپولی سے تقریباً 90 کلومیٹر جنوب میں واقع تارہونا میں بڑے پیمانے پر قبروں کا انکشاف ہوا ہے ہے اور یہاں سے کم از کم 12 نامعلوم لاشیں برآمد ہوئی ہیں۔ گمشدہ کی تلاش اور پہچان کےلئے تشکیل عام اتھارٹی کے ترجمان عبدالعزیز جعفری نے بدھ کو یہ اطلاع دی۔ انہوں نے بتایا کہ شہر کی چار نئی قبروں سے یہ لاشیں برآمد ہوئی ہیں۔
انہوں نے بتایا کہ جون سے اب تک تارہونا میں 98 نامعلوم لاشیں برآمد ہوچکی ہیں۔ اقوام متحدہ سے حمایت یافتہ حکومت نے مشرقی علاقے کی باغی فوج پر تارہونا میں بڑے پیمانے پر لوگوں کو قتل کرنے کا الزام لگایا ہے۔
Published: 29 Oct 2020, 7:26 AM IST
پرینکا گاندھی نے بنکروں کو رعایتی شرحوں پر بجلی نہ دینے اور ان سے وصولی کرنے کا معاملہ اٹھاتے ہوئے یوپی کے وزیر اعلیٰ یوگی آدتیہ ناتھ کو خط لکھا ہے۔ پرینکا گاندھی نے ٹوئٹ میں لکھا، ’’دنیا میں بنارس کا نام مشہور کرنے والے بنکروں کو فلیٹ ریٹ پر بجلی نہ دینا، نئے ریٹ پر بجلی بل وصولی کے لئے انہیں حراساں کرنا بے حد غلط ہے۔‘‘
انہوں نے مزید لکھا، ’’بی جے پی حکومت کو بلا تاخیر فلیٹ ریٹ پر بجلی اور پرانی شرح پر بقایہ کی ادائیگی کرنے کی جھوٹ کو لاگو کر کے بنکروں کی حفاظت کرنی چاہئے۔‘‘ پرینکا گاندھی نے ٹوئٹ ساتھ یوگی کو لکھے خط کو بھی شیئر کیا ہے۔
Published: 29 Oct 2020, 7:26 AM IST
صدر رام ناتھ کووِند نے دہلی یونیورسٹی کے وائس چانسلر پروفیسر یوگیش کمار تیاگی کو آج ان کے عہدے سے علیٰ الفورمعطل کر دیا صدر نے دہلی یونیورسٹی کے وزیٹر کے بطور اپنے اختیارات کا استعمال کرتے ہوئے پروفیسر تیاگی کو فوری اثر سے معطل کر دیا اور ان کے خلاف ذمہ داریوں پر عمل درآمد نہ کرنے کے معاملے میں تفتیش کا حکم دیا ہے۔ یونیورسٹی کےپرو وائس چانسلر پروفیسر جوشی آج سے وائس چانسلر کا عہدہ سنبھالیں گے۔
Published: 29 Oct 2020, 7:26 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 29 Oct 2020, 7:26 AM IST
تصویر: محمد تسلیم