ایسے امکانات ظاہر کیے جا رہے تھے کہ چنئی سپر کنگز کے کپتان مہندر سنگھ دھونی 2023 کے آئی پی ایل سے پہلے اپنے ریٹائرمنٹ کا اعلان کر دیں گے۔ لیکن بین الاقوامی کرکٹ سے ریٹائرمنٹ لے چکے دھونی نے آئی پی ایل 2022 میں چنئی سپر کنگز کے آخری میچ سے پہلے اپنے چاہنے والوں کو یہ خوشخبری دی ہے کہ وہ 2023 کے ایڈیشن میں بھی دکھائی دیں گے۔
Published: 20 May 2022, 8:16 AM IST
مشہور حیدر آباد انکاؤنٹر کو سپریم کورٹ کی جانچ کمیشن نے فرضی قرار دے دیا ہے۔ ساتھ ہی 10 پولیس اہلکاروں پر قتل کا مقدمہ چلائے جانے کی بات کہی گئی ہے۔
Published: 20 May 2022, 8:16 AM IST
گیان واپی مسجد معاملے میں سپریم کورٹ میں سماعت جاری ہے۔ جسٹس چندرچوڑ نے اس دوران کہا کہ ’’ہم ہدایت دے سکتے ہیں کہ ذیلی عدالت عرضی دہندہ کی عرضی کا نمٹارہ کرے۔ تب تک ہمارا عبوری حکم جاری رہے۔ اور تیسری بات ہم یہ کہنا چاہتے ہیں کہ معاملے کی پیچیدگی کو دیکھتے ہوئے اسے ضلع جج کو بھیجا جائے۔‘‘
Published: 20 May 2022, 8:16 AM IST
الہ آباد ہائی کورٹ میں گیان واپی مسجد کے معاملے پر سماعت ملتوی کر دی گئی ہے۔ اب اس معاملے کی سماعت عدالت کی گرمیوں کی تعتیلات کے بعد 6 جولائی کو ہوگی۔ دریں اثنا، گیان واپی مسجد میں نماز جمعہ کے لیے کافی تعداد میں لوگ پہنچ گئے۔ پہلے 30 لوگوں کے نماز ادا کرنے کی اطلاع تھی لیکن رپورٹ کے مطابق وہاں 700 نمازی پہنچ گئے، جس کے بعد مسجد کا گیٹ بند کر دیا گیا۔ خیال رہے کہ وضو خانہ سیل ہونے کی وجہ سے نمازیوں کو گھر سے وضو کر کے آنے کو کہا گیا تھا۔
Published: 20 May 2022, 8:16 AM IST
مہاراشٹر کے چندر پور شہر کے مضافات میں ڈیزل سے بھرے ٹینکر اور لکڑیوں سے لدے ٹرک کے درمیان تصادم کے بعد لگنے والی آگ کی زد میں آنے والے کم از کم 9 افراد جھلس کر ہلاک ہوگئے۔ یہ اطلاع ایک پولیس عہدیدار نے دی۔ انہوں نے بتایا کہ حادثہ جمعرات کی رات تقریباً 10.30 بجے چندر پور-مول روڈ پر پیش آیا۔
Published: 20 May 2022, 8:16 AM IST
راہل گاندھی نے کانگریس کے لیڈران اور کارکنان سے اپیل کی ہے کہ وہ آسام میں سیلاب کے لاکھوں متاثری کی ہرممکن امداد کریں۔ انہوں نے ٹوئٹر پر لکھا، ’’آسام میں شدید سیلاب سے لاکھوں لوگ متاثر ہوئے ہیں۔ میں کانگریس کارکنوں اور لیڈروں سے اپیل کرتا ہوں کہ وہ بچاؤ اور راحت کے کاموں میں ہر ممکن مدد جاری رکھیں۔‘‘
Published: 20 May 2022, 8:16 AM IST
سی بی آئی نے جمعہ کی صبح بدعنوانی سے متعلق معاملہ پر کارروائی کرتے ہوئے لالو یادو سے وابستہ متعدد ٹھکانوں پر چھاپہ ماری کی، اس سے آر جے ڈی میں سخت غم و غصہ پایا جا رہا ہے۔ پارٹی کارکنان اور لیڈران نے راجدھانی پٹنہ میں چھاپہ ماری کے خلاف احتجاج کر رہے ہیں۔
آر جے ڈی لیڈر آلوک مہتا نے کہا ’’یہ ایک مضبوط آواز کو دبانے کی کوشش ہے۔ سی بی آئی کی ہدایت اور کارروائیاں مکمل طور پر جانبدار ہیں۔‘‘
Published: 20 May 2022, 8:16 AM IST
مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 2259 نئے کیسز درج کئے گئے، اس دوران 2614 افراد نے شفایابی حاصل کر لی جبکہ 20 افراد کی جان چلی گئی۔ فی الحال ملک بھر میں کورونا کے 15044 کیسز فعال ہیں۔
Published: 20 May 2022, 8:16 AM IST
ریاست کرناٹک میں راجدھانی بنگلورو سمیت متعدد علاقوں میں گزشتہ تین روز سے ہو رہی لگاتار بارش نے معلومات زندگی درہم برہم کر دئے ہیں۔ متعدد مقامات پر پانی بھر گیا ہے اور کئی مکانات کو نقصان پہنچا ہے۔ وزیر اعلیٰ بسوراج ایس بومئی نے آج بنگلورو کے بارش سے متاثرہ علاقوں کا دورہ کیا۔ دریں اثنا، بھاری بارشوں کے سبب ضلع دھارواڑ میں اسکول اور کالج بند رکھنے کے احکامات جاری کئے گئے ہیں۔
Published: 20 May 2022, 8:16 AM IST
اعظم خان کی رہائی پر اکھلیش یادو نے تبصرہ کرتے ہوئے کہا، ’’ایس پی کے سینئر لیڈر اور ایم ایل اے اعظم خان جی کی ضمانت پر رہائی پر ان کا دلی خیرمقدم ہے۔ ضمانت کے اس فیصلے سے سپریم کورٹ نے انصاف کے نئے معیارات دیے ہیں، یقین ہے کہ وہ باقی تمام جھوٹے معاملوں-مقدمات سے بری ہوں گے۔ جھوٹ کے لمحات ہوتے ہیں صدیاں نہیں!‘‘
Published: 20 May 2022, 8:16 AM IST
سپریم کورٹ سے عبوری ضمانت کی درخواست منظور ہونے کے ایک روز بعد اعظم خان 27 مہینے کے بعد آخرکار جیل سے رہا ہو گئے ہیں۔ وہ اپنے بیٹے عبداللہ اعظم کے ساتھ ان کی گاڑی میں سیتاپور جیل سے باہر آئے۔ شیوپال یادو جیل کے باہر موجود تھے۔
اس موقع پر شیو پال یادو نے کہا کہ یہ انصاف کی جیت ہے، اعظم خان کی جیت ہے۔ ہم سماجوادی ہیں، ہمیشہ نیتا جی (ملائم سنگھ یادو) سے سیکھا کہ خوشی اور غم میں ساتھ رہنا ہے۔ شیو پال یادو نے کہا، وہ رام پور نہیں جائیں گے۔ وہ لکھنؤ جائیں گے۔ انہوں نے آج اعظم خان سے بات کی ہے۔
Published: 20 May 2022, 8:16 AM IST
سماج وادی پارٹی (ایس پی) کے قدآور لیڈر اعظم خان 27 مہینے کے بعد آج جیل سے رہا ہونے جا رہے ہیں۔ وہ سیتا پور جیل میں قید تھے۔ اعظم خان کے دونوں بیٹے عبداللہ اور ادیب انہیں لینے سیتا پور جیل پہنچ چکے ہیں۔ سپریم کورٹ نے گزشتہ روز یعنی 19 مئی کو اعظم خان کی عبوری ضمانت کی درخواست منظور کی تھی۔ اعظم کی رہائی کا پروانہ شام 5.30 بجے تک جیل نہیں پہنچ سکا تھا، لہذا انہیں آج رہا کیا جا رہا ہے۔
Published: 20 May 2022, 8:16 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 May 2022, 8:16 AM IST