اتر پردیش کے مشہور ڈاکٹر کفیل خان نے شاہین باغ مظاہرہ میں ہوئی پولس کارروائی کے تعلق سے ایک ٹوئٹ کیا ہے۔ انھوں نے اس ٹوئٹ میں لکھا ہے کہ ’’افواہوں پر دھیان نہ دیں، پولس نے شاہین باغ سے ٹینٹ اور لنگر ہٹوایا تھا، لیکن لوگوں نے پھر لگا دیا ہے۔‘‘ وہ مزید لکھتے ہیں کہ ’’نہ جھکیں گے، نہ ٹوٹیں گے۔ لوگوں کی زبردست مخالفت کے بعد پولس نے حراست میں لیے گئے لوگوں کو چھوڑ دیا ہے۔‘‘
Published: 24 Jan 2020, 9:10 AM IST
علی گڑھ مسلم یونیورسٹے طلبا یونین (اے ایم یو ایس یو) کے سابق صدر فیض الحسن کے خلاف ایف آر درج ہوئی ہے۔ علی گڑھ کے ایس ایس پی آکاش کلہری نے کہا کہ ’’فیض الحسن کے ذریعہ دیے گئے متنازعہ بیانوں کا ایک ویڈیو وائرل ہوا تھا جس پر نوٹس لیتے ہوئے ان کے خلاف سیکشن 153(اے) کے تحت ایف آئی آر درج ہوئی ہے۔
Published: 24 Jan 2020, 9:10 AM IST
ہندوستان نے اپنے نیوزی لینڈ دورہ کی شروعات فتح کے ساتھ کی ہے۔ 204 رن کا ہدف ہندوستان نے ایک اوور رہتے ہوئے حاصل کر لیا اور ابھی اس کے 6 وکٹ گرنے باقی تھے۔ سب سے زیادہ رن شریس ایر نے بنائے اور وہ ناٹ آؤٹ رہے۔ انھوں نے محض 29 گیندوں پر 58 رن کی پاری کھیلی۔ دوسری طرف منیش پانڈے 12 گیند پر 14 رن بنا کر ناٹ آؤٹ رہے۔
Published: 24 Jan 2020, 9:10 AM IST
ہندوستان نے کے ایل راہل اور کپتان وراٹ کوہلی کی دھماکہ دار بلے بازی سے 10 اوور میں 2 وکٹ کے نقصان پر 115 رن بنا لیے ہیں۔ نیوزی لینڈ کی طرف سے دیے گئے 204 رن کے ہدف کا پیچھا کرنے اتری ہندوستانی ٹیم کے اسٹار بلے باز روہت شرما آج کچھ خاص نہیں کر سکے اور محض 7 رن بنا کر آؤٹ ہو گئے۔ اس کے بعد کے ایل راہل نے طوفانی نصف سنچری بنائی اور دسویں اوور کی آخری گیند پر 56 رن بنا کر آؤٹ ہو گئے۔ انھوں نے یہ رن محض 27 گیندوں پر بنائے۔ وراٹ کوہلی 10 اوور کے بعد 42 رن پر ناٹ آؤٹ ہیں۔
Published: 24 Jan 2020, 9:10 AM IST
پہلے ٹی-20 کرکٹ میچ میں میزبان نیوزی لینڈ کی ٹیم نے مہمان ہندوستان کے سامنے 204 رن کا ہدف رکھا ہے۔ نیوزی لینڈ کی جانب سے راس ٹیلر نے بہترین نصف سنچری مکمل کی اور وہ آخر تک آؤٹ نہیں ہوئے۔ اس سے قبل سلامی بلے باز مارٹن گپٹل نے 30 رن اور منرو نے شاندار 59 رن کی اننگ کھیلی۔ کپتان ولیمسن نے بھی شاندار 51 رن بنائے۔ ٹیلر نے 54 رن کی پاری کیھیلی۔ ہندوستان کی جانب سے جسپریت بمراہ کے علاوہ کسی نے بھی کفایتی گیندبازی نہیں کی۔ بمراہ نے اپنے 4 اوور میں 31 رن دیے اور ان کو ایک وکٹ حاصل ہوا۔ محمد شامی سب سے مہنگے ثابت ہوئے جنھیں کوئی وکٹ حاصل نہیں ہوا اور 4 اوور میں انھوں نے 53 رن خرچ کیے۔
Published: 24 Jan 2020, 9:10 AM IST
اتر پردیش کے گوتم بدھ نگر میں ایک لڑکی کے ساتھ پانچ لوگوں نے اجتماعی عصمت دری کا واقعہ انجام دیا۔ نوئیڈا کے کیندریہ ودیالیہ سیکٹر 51 کے قریب یہ لڑکی زخمی حالت میں پائی گئی جس کے بعد اسے اسپتال میں داخل کرایا گیا۔ پولس کا کہنا ہے کہ لڑکی نے 3 ملزمین کا نام بتا دیا ہے اور جانچ شروع کر دی گئی ہے۔ فی الحال کسی کی گرفتاری عمل میں نہیں آئی ہے۔
Published: 24 Jan 2020, 9:10 AM IST
ہندوستان اور نیوزی لینڈ کے درمیان پانچ میچوں کی سیریز کا پہلا ٹی-20 میچ آکلینڈ کے ایڈن پارک اسٹیڈیم میں کھیلا جائے گا۔ ٹیم انڈیا کے کپتان وراٹ کوہلی نے ٹاس جیت کر پہلے گیندبازی کرنے کا فیصلہ لیا ہے۔ واضح رہے کہ ہندوستان اور نیوزی لینڈ کی ٹیمیں اس سے پہلے 11 بار آمنے سامنے آ چکی ہیں، جس میں سے نیوزی لینڈ نے 8 میچ اپنے نام کیے ہیں اور ہندوستانی ٹیم صرف تین میچ جیت پائی ہے۔ وہیں میچ کو دیکھنے کے لیے اور ٹیم انڈیا کا حوصلہ بڑھانے کے لیے شیدائی پہنچنے لگے ہیں۔
Published: 24 Jan 2020, 9:10 AM IST
حیدر آباد میں شہریت ترمیمی قانون اور این آر سی کے خلاف جمعرات کی شب زبردست احتجاجی مظاہرہ دیکھنے کو ملا۔ پولس کا کہنا ہے کہ مظاہرین کے پاس احتجاجی مظاہرہ کے لیے اجازت نہیں، لیکن وہ سب ایک جگہ جمع ہو گئے۔ پولس نے انھیں مظاہرہ سے روکا جس کے بعد موقع پر ایک ہنگامی حالت پیدا ہو گئی۔ مظاہرین نعرے بازی کرنے لگے جس کے بعد کچھ مظاہرین کو پولس نے حراست میں لے لیا۔ خبروں کے مطابق بعد میں انھیں چھوڑ دیا گیا۔
Published: 24 Jan 2020, 9:10 AM IST
اتر پردیش کے الٰہ آباد (پریاگ راج) میں کانگریس لیڈر حیسب احمد گزشتہ 21 جنوری کو اپنے آبا و اجداد کی قبر پر گئے۔ وہاں پہنچ کر وہ زار و قطار روئے اور ہندوستانی شہریت سے متعلق ثبوت ان سے مانگے۔ اس موقع کی تصویر اب سوشل میڈیا پر وائرل ہو رہی ہے۔ دراصل حسیب احمد شہریت ترمیمی قانون کی مخالفت کر رہے ہیں اور اسی کے پیش نظر وہ اپنے آبا و اجداد کی قبر پر گئے اور روتے ہوئے شہریت کے ثبوت مانگ کر ایک طرح سے اپنا احتجاج درج کیا۔
Published: 24 Jan 2020, 9:10 AM IST
شہریت قانون-این آر سی کے خلاف ملک بھر میں احتجاجی مظاہرے کا دور جاری ہے۔ آج ممبئی میں این سی پی سربراہ شرد پوار احتجاجی مظاہرہ کرنے والے ہیں۔ واضح رہے کہ گزشتہ دنوں شرد پوار نے سابق مرکزی وزیر یشونت سنہا، کانگریس لیڈر پرتھوی راج چوہان اور ونچت بہوجن اگھاڑی کے لیڈر پرکاش امبیڈکر کے ساتھ گیٹ وے آف انڈیا پر اسٹیج شیئر کیا اور گاندھی شانتی یاترا کو روانہ کیا تھا۔ انھوں نے کہا تھا کہ شہریت قانون، این آرسی ملک کے سامنے موجود سنگین مسائل سے دھیان ہٹانے کی کوشش ہے۔ انھوں نے یہ بھی کہا کہ شہریت قانون ملک کی مذہبی و سماجی اتحاد اور خیر سگالی کو بگاڑے گا اور اسے نقصان پہنچائے گا۔
Published: 24 Jan 2020, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 24 Jan 2020, 9:10 AM IST