قومی اقلیتی کمیشن نے سنیچر کے روز دہلی کے تشدد زدہ علاقہ شیو وہار کا دورہ کیا۔کمیشن کے ایک رکن عاطف راشد نے کہا ’’تشدد کے دوران دونوں فرقوں کو نشانہ بنایا گیا ہے۔ ہم نے پولیس سے بات کی ہے اور ان سے شکایات کو ایف آئی آر میں تبدیل کرنے کو کہا ہے۔ پولیس کے پاس دونوں فرقوں کی جانب سے کم از کم 500 شکایات موصول ہو چکی ہیں۔ ہم لوگوں سے اپنے گھروں کو لوٹ جانے کی گزارش کر رہے ہیں۔‘‘
Published: 29 Feb 2020, 9:11 AM IST
دہلی کے شمال مشرقی علاقے میں سی اے اے مظاہرہ کے درمیان تشدد بھڑکنے سے 42 لوگوں کی موت اب تک ہو گئی ہے۔ اس درمیان 2013 میں بی جے پی میں شامل ہوئی ایک مشہور اداکارہ سبھدرا مکھرجی نے پارٹی چھوڑنے کا اعلان کر دیا ہے۔ سبھدرا مکھرجی نے کئی فلموں اور ٹی وی سیریل جیسے بوؤ کوتھا کوؤ، سدھارن میئے، کھلاڑی، رومیو اینڈ جولیٹ میں کام کیا ہے۔ انھوں نے اپنے اس فیصلے کے بارے میں کہا کہ یہ کافی انتظار کرنے کے بعد اٹھایا گیا قدم ہے۔
سبھدرا مکھرجی نے کہا کہ ’’میں نے 2013 میں بی جے پی جوائن کی تھی اور مجھے پارٹی کے کام نے متاثر کیا تھا۔ لیکن گزشتہ کچھ سالوں میں میں نے غور کیا کہ کچھ چیزیں ٹھیک نہیں ہو رہی ہیں۔ میں نے محسوس کیا کہ لوگوں سے مذہب کی بنیاد پر نفرت کرنا اور ان کے لیے رائے بنانا بی جے پی کے نظریہ پر حاوی ہو رہا ہے۔ اس پر کئی بار غور کرنے کے بعد میں نے پارٹی چھوڑنے کا فیصلہ کیا ہے۔ سچ تو یہ ہے کہ جس پارٹی میں انوراگ ٹھاکر اور کپل مشرا جیسے لیڈر ہوں اس پارٹی میں رہنا مجھے منظور نہیں۔‘‘
Published: 29 Feb 2020, 9:11 AM IST
دہلی کے راجیو چوک میٹرو اسٹیشن پر ہفتہ کے روز کچھ لڑکوں نے ’گولی مارو ... کو‘ نعرہ لگا کر ماحول کو خراب کرنے کی کوشش کی۔ بتایا جاتا ہے کہ لڑکے بھگوا رنگ کے کپڑے پہنے ہوئے تھے۔ ان لڑکوں کو سیکورٹی اہلکاروں نے فوری طور پر حراست میں لے لیا۔ فی الحال ان سبھی لڑکوں کی شناخت نہیں کی جا سکی ہے اور نہ ہی یہ پتہ چل سکا ہے کہ ان لڑکوں نے ایسا کس مقصد سے کیا۔
خبر رساں ادارہ اے این آئی نے ڈی سی پی میٹرو کے حوالے سے بتایا کہ ’’دوپہر تقریباً 12 بجے راجیو چوک میٹرو اسٹیشن پر 6 لڑکے ’دیش کے غداروں کو، گولی مارو ... کو‘ نعرہ لگا رہے تھے۔ ہم نے انھیں وہیں سے حراست میں لے لیا گیا تھا اور فی الحال ان سے پوچھ تاچھ کی جا رہی ہے۔‘‘
Published: 29 Feb 2020, 9:11 AM IST
خبر رساں ادارہ رائٹرس سے موصول ہو رہی خبروں کے مطابق ملیشیا کے اگلے وزیر اعظم محی الدین یٰسین ہوں گے۔
Published: 29 Feb 2020, 9:11 AM IST
اناؤ عصمت دری واقعہ میں متاثر کے والد کی عدالتی حراست میں مبینہ قتل معاملے میں دہلی کے تیس ہزاری کورٹ نے ہفتہ کو فیصلہ ملتوی کر دیا ہے۔ اب عدالت 4 مارچ کو فیصلہ سنا سکتی ہے۔ عصمت دری متاثرہ کے والد کے قتل کا الزام بی جے پی کے سابق رکن اسمبلی کلدیپ سنگھ سینگر پر ہے۔ اس معاملے میں کلدیپ سمیت کل 10 لوگوں پر الزام طے کیے گئے ہیں۔
Published: 29 Feb 2020, 9:11 AM IST
ستنا: مدھیہ پردیش کے ستنا ضلع کے کولگواں تھانہ علاقے میں جھولا جھولتے وقت گلے میں پھندا لگنے سے ایک بچے کی موت ہوگئی ہے۔ پولس ذرائع کے مطابق بڑلا کالونی کا رہنے والا 13 سالہ بچہ ردراکش مالوئے کل شام رسّی ڈال کر جھولا جھول رہا تھا۔ تبھی اچانک رسی سے اس کے گلے میں پھندا لگ گیا، جس سے اس کی موت ہو گئی۔ پولس نے معاملہ درج کر کے جانچ شروع کردی ہے۔
Published: 29 Feb 2020, 9:11 AM IST
کورونا وائرس کے قہر کو دیکھتے ہوئے امریکہ نے ایک بڑا فیصلہ کیا ہے۔ جنوب مشرقی ایشیائی ممالک کی تنظیموں کے لیڈران کے ساتھ ایک خصوصی اعلیٰ سطحی میٹنگ کو ملتوی کر دیا گیا ہے۔ یہ میٹنگ مارچ کے دوسرے ہفتے میں لاس ویگاس میں منعقد ہونے والی تھی۔ اس تقریب کے دوران امریکی صدر ڈونالڈ ٹرمپ اور آسیان ممالک کے لیڈروں کے درمیان دو فریقی میٹنگ کا منصوبہ بنایا گیا تھا۔
Published: 29 Feb 2020, 9:11 AM IST
شمال مشرقی دہلی میں تشدد کے بعد حالات دھیرے دھیرے معمول پر آ رہے ہیں، لیکن پولس کا پہرہ یہاں اب بھی سخت ہے۔ حالات کو قابو میں رکھنے کے لیے یہاں دفعہ 144 اب بھی نافذ ہے۔
Published: 29 Feb 2020, 9:11 AM IST
اتر پردیش کے سیتا پور سے رام پور سماعت کے لیے جا رہے سماجوادی پارٹی کے رکن پارلیمنٹ اعظم خان نے کہا کہ میرے ساتھ ایک دہشت گرد کی طرح سلوک کیا جا رہا ہے۔
Published: 29 Feb 2020, 9:11 AM IST
پاکستان کے سندھ علاقہ میں ایک ریلوے کراسنگ کو پار کرنے کی کوشش کرتے وقت مسافر بس ٹرین کی زد میں آ گئی۔ اس اندوہناک حادثہ میں کم و بیش 30 لوگوں کی موت ہو گئی اور کئی دیگر زخمی ہو گئے۔ پاکستانی میڈیا ذرائع سے موصول ہو رہی خبروں کے مطابق یہ حادثہ سندھ کے روہری علاقہ میں ہوا ہے۔
Published: 29 Feb 2020, 9:11 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 29 Feb 2020, 9:11 AM IST
تصویر: پریس ریلیز