جرمن چانسلر انگیلا میرکل نے یہ بیان اپنے دو روزہ دورہ جاپان کے دوران جاپانی اور جرمن سرمایہ کاروں کے ساتھ گفتگو کرتے ہوئے دیا ہے۔ ان کا کہنا تھا کہ ایک طرف تو دباؤ کا سامنا ہے اور کاروباری حلقے کسٹم کے طویل طریقہ کار کو برداشت نہیں کر سکتے لیکن ’سیاسی نقطہ نظر سے دیکھا جائے تو ہمارے پاس ابھی وقت ہے۔ دو ماہ کا عرصہ زیادہ تو نہیں ہے لیکن پھر بھی ان دو مہینوں سے فائدہ اٹھایا جا سکتا ہے اور فریقین اسے بہتری کے لیے استعمال کر سکتے ہیں۔‘‘
Published: undefined
سن دو ہزار سولہ کے ریفرنڈم میں برطانوی شہریوں نے یورپی یونین سے علیحدگی کا فیصلہ کیا تھا اور رواں برس مارچ کے اختتام تک برطانیہ کو ہر حال میں یورپی یونین سے الگ ہونا ہے۔
Published: undefined
برطانوی پارلیمان کے اراکین آئرلینڈ کی سرحد کے معاملے کی وجہ سے بریگزٹ معاہدے کی منظوری دینے سے گریزاں ہیں۔ بریگزٹ کے حامیوں کے مطابق اس کھلی سرحد کی وجہ سے برطانیہ کو یورپی یونین کے کسٹم قوانین کی پاسداری کرنا ہو گی۔
Published: undefined
جرمن چانسلر کا کہنا تھا کہ جس مسئلے کی بات کی جا رہی ہے، وہ بہت واضح ہے اور اس واضح مسئلے کا حل بھی واضح ہی ہونا چاہیے، ’’اس مسئلے کا انحصار اس بات پر ہے کہ یورپ اور برطانیہ مستقبل میں تعلقات کی نوعیت کیسی رکھنا چاہتے ہیں اور یہ کہ ہم کس طرح کا تجارتی معاہدہ چاہتے ہیں؟‘‘
Published: undefined
گیند لندن کورٹ کی طرف پھینکتے ہوئے جرمن چانسلر کا کہنا تھا کہ یہ اب برطانیہ کے ہاتھ میں ہے کہ وہ یورپی یونین کے ساتھ کیسے تعلقات چاہتا ہے؟ پیر کے روز اپنے جاپانی ہم منصب شینزو آبے سے ملاقات کے بعد بھی ان کا یہی کہنا تھا کہ اس مسئلے کے حل کے لیے ’تخلیقی صلاحیت اور اچھی نیت‘ کی ضرورت ہے۔
Published: undefined
تاہم جرمن چانسلر نے ایک مرتبہ پھر واضح کیا ہے کہ اس طرح کا کوئی بھی سیاسی اعلامیہ بریگزٹ معاہدے کا ہی حصہ ہونا چاہیے نہ کہ از سر نو بریگزٹ مذاکرات کا مطالبہ کیا جائے۔
Published: undefined
جرمن چانسلر کے اس بیان کو مثبت طور پر دیکھا جا رہا ہے اور اس کے نتیجے میں برطانوی پاؤنڈ کی قدر میں بھی اضافہ ہوا ہے۔ دوسری جانب برطانوی وزیراعظم ٹریزا مے بھی اس ڈیڈ لاک کو ختم کرنے کے لیے دوبارہ یورپی رہنماؤں سے ملنے کی تیاری کر رہی ہیں۔
Published: undefined
دریں اثناء یورپی یونین کے ایک اعلیٰ عہدیدار مارٹن سیلمائر نے خبردار کرتے ہوئے کہا ہے کہ کسی ڈیل کے بغیر برطانیہ کے یورپی یونین سے اخراج کے حوالے سے تیار رہنا چاہیے۔
Published: undefined
ا ا / ع ا (اے پی، روئٹرز، ڈی پی اے)
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا