مدھیہ پردیش کے دموہ میں ایک افسوسناک واقعہ پیش آیا ہے۔ حضرت نظام الدین-جبل پور گونڈوانا ایکسپریس کے جنرل کوچ میں بیت الخلاء کے اندر ایک خاتون کی لاش لٹکی ہوئی برآمد ہوئی ہے۔ دموہ سرکاری ریلوے پولیس (جی آر پی) کو اس بارے میں مطلع کیا گیا اور ٹرین کے دموہ پہنچنے پر انھوں نے ٹرین کے بیت الخلاء سے خاتون کی لاش باہر نکالی۔
Published: undefined
شروعاتی جانچ میں پتہ چلا ہے کہ خاتون کی عمر 35 سال اور اس کا نام بائی اتھیا ہے۔ ابتدائی جانچ میں پتہ چلا ہے کہ اس خاتون نے خودکشی کی ہے، حالانکہ اس کی وجہ سامنے نہیں آئی ہے۔ بیت الخلاء میں مردہ خاتون کے گلے میں ساڑی کا ایک ٹکڑا بندھا ہوا ملا تھا جو پائپ سے جڑا ہوا تھا۔ بائی اتھیا اپنے شوہر، بچوں اور کچھ دیگر جانکاروں کے ساتھ دہلی سے دموہ جا رہی تھی۔ سفر کے دوران اس کے لاپتہ ہونے کے بعد رشتہ داروں و دیگر لوگوں نے تلاش شروع کی اور پھر بیت الخلاء میں لاش دکھائی دی۔
Published: undefined
بتایا جاتا ہے کہ رات میں ہی خاتون اچانک غائب ہو گئی تھی اور جب گھر والوں نے دیر تک اسے نہیں دیکھا تو پوری ٹرین میں اس کو تلاش کرنے کا عمل شروع ہوا۔ کافی دیر تلاشی کے بعد لوگوں نے بیت الخلاء میں تلاش کرنا شروع کیا اور وہاں اسے مردہ دیکھ کر سبھی حیران رہ گئے۔
Published: undefined
پولیس نے خاتون کی لاش کو قبضہ میں لے لیا ہے اور پوسٹ مارٹم کے لیے بھیج دیا گیا ہے۔ جی آر پی پولیس کے مطابق معاملہ خودکشی کا ہی معلوم پڑ رہا ہے۔ پوسٹ مارٹم کے بعد جانچ آگے بڑھے گی۔ خودکشی کے پیچھے کی وجہ اب تک سامنے نہیں آ پائی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined