دیر رات آیا زلزلہ، 4.2 رہی شدت،دہلی میں محسوس کئے جھٹکے

دہلی اور این سی آر میں کل دیر رات کو زلزلےکے جھٹکے محسوس کئے گئے جس سے لوگوں میں خوف پیدا ہوگیااور لوگ شدید سردی کے با وجود اپنے گھروں سے باہر کھلے میں آ گئے۔ بتایاجا رہا ہے کہ زلزلے کی شدت زیادہ نہیں تھی اور اس کی شدت جو رکٹر اسکیل پر آئی ہے وہ 4.2 تھی۔

خبروں کے مطابق اس زلزلہ کا مرکز راجستھان کے الور میں تھا۔زلزلہ کی شدت کیونکہ کم تھی اس لئے کہیں سے کوئی جانی و مالی نقصان کی خبر موصول نہیں ہوئی ہے۔

دہلی میں کل شدید ٹھنڈ تھی اور یہاں کا درجہ حرارت 15.2 سیلسیس درج کیا گیا جو اس سال کا ابھی تک کا سب سے کم درج حرارت ہے ۔ زلزلہ نے اس شدید ٹھنڈ میں دہلی والوں کی پریشانی میں اضافہ کر دیا ۔لوگوں میں اس بات کا خوف ہے کہ کہیں آنے والے دنوں میں زلزلہ کےمزیدجھٹکے نہ آئیں۔

https://twitter.com/PTI_News/status/1339641900433813505?s=20