دہلی ریاستی کانگریس کمیٹی کے صدر چودھری انل کمار نے دہلی فساد میں بے قصور لوگوں کو پھنسائے جانے پر مودی حکومت کو پرزور طریقے سے تنقید کا نشانہ بنایا۔ انھوں نے کہا کہ مودی حکومت ان سماجی کارکنان کے نام شمال مشرقی دہلی کے فسادات میں شامل کر رہی ہے جن کا ان فسادات میں کوئی کردار ہی نہیں تھا، لیکن فسادات میں فرقہ واریت پھیلانے میں ملوث قدآور لوگوں پر امت شاہ کی دہلی پولس نے کوئی کارروائی نہیں کی۔
Published: undefined
چودھری انل کمار نے کہا کہ دہلی پولس کچھ سیاسی لوگوں کو فائدہ پہنچانے کے لیے سماجی کارکنان و سیاسی لیڈروں، جن میں اہم طور پر سیتارام یچوری، چودھری متین احمد، یوگیندر یادو، جینتی گھوش، ڈی یو پروفیسر اپوروانند وغیرہ کے نام شامل ہیں، کو قصوروار ٹھہرانے کی کوشش کر رہی ہے۔ ان بے قصور لوگوں کا نام فساد بھڑکانے کے نام پر دہلی پولس کے ذریعہ فرد جرم میں شامل کیا گیا ہے جب کہ فسادات کے حقیقی قصوروار دہلی کے سابق وزیر کپل مشرا اور مرکزی وزیر انوراگ ٹھاکر کا نام رپورٹ میں کہیں نہیں ہے۔
Published: undefined
دہلی کانگریس صدر چودھری انل کمار نے دہلی فسادات کے تعلق سے بی جے پی اور عآپ کے کردار پر بھی انگلی اٹھائی۔ انھوں نے کہا کہ دہلی کے وزیر اعلیٰ اروند کیجریوال کی خاموشی حیرت انگیز ہے۔ انل کمار نے کہا کہ "پولس ان لوگوں پر نشانہ لگا رہی ہے جو مرکزی حکومت کے سی اے اے-این آر سی قانون کی مخالفت میں پرامن طریقے سے مظاہرہ کر رہے تھے اور جن کا فسادات سے کوئی لینا دینا نہیں تھا۔ یہ واضح طور سے سیاسی بدلہ سے جڑا معاملہ ہے کیونکہ ان سماجی کارکنان کا واحد مقصد امن کے لیے کام کرنا ہے۔"
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined