دہشت گردوں کی بزدلانہ کارروائی، ٹی وی آرٹسٹ عنبرین بٹ کو گھر میں گھس کر قتل کیا

جموں و کشمیر میں دہشت گردوں نے ایک بار پھر شہریوں کو نشانہ بنایا ہے۔ دہشت گردوں نے ٹی وی آرٹسٹ عنبرین بٹ کو ضلع بڈگام کے چاڈورہ علاقے میں گولی مار کر ہلاک کر دیا۔ دہشت گردوں کی فائرنگ سے ان کا بھتیجا بھی زخمی ہوا ہے۔

جموں و کشمیر پولیس کے مطابق صبح تقریباً 7.55 بجے دہشت گردوں نے چاڈورہ علاقے میں عنبرین بٹ نامی خاتون کے گھر پر فائرنگ کی۔ جس کے بعد عنبرین کو زخمی حالت میں اسپتال لے جایا گیا جہاں ڈاکٹروں نے انہیں مردہ قرار دے دیا۔ اس کے 10 سالہ بھتیجے کو، جو گھر میں تھا، بازو میں گولی لگی تھی۔

اے بی پی نیوزپورٹل کے مطابق پولیس نے کہا، ’’اس گھناؤنے جرم میں کالعدم دہشت گرد تنظیم لشکر کے تین دہشت گرد ملوث ہیں۔ علاقے کو گھیرے میں لے کر تلاش شروع کر دی گئی ہے۔ مقدمہ درج کرنے کے بعد تحقیقات جاری ہیں۔ جموں و کشمیر کے سابق وزیر اعلیٰ عمر عبداللہ نے امرین کی موت پر غم کا اظہار کیا ہے۔

اس سے قبل منگل کو سری نگر کے سورا علاقے میں دہشت گردوں نے ایک پولیس کانسٹیبل کو اس کے گھر کے باہر گولی مار کر ہلاک کر دیا تھا۔

اس دوران ان کی سات سالہ بیٹی زخمی ہوگئی تھی۔ اہلکار نے بتایا کہ عسکریت پسندوں نے کانسٹیبل سیف اللہ قادری پر اس وقت گولی چلائی جب وہ اپنی بیٹی کو ٹیوشن چھوڑنے جا رہے تھے۔

دہشت گردوں نے اس سے قبل 13 مئی کو پلوامہ میں پولیس کانسٹیبل ریاض احمد کو ان کی رہائش گاہ پر گولی مار کر ہلاک کر دیا تھا۔ اسی دوران، اس سے ایک دن پہلے 12 مئی کو دہشت گردوں نے بڈگام میں سرکاری ملازم راہول بھٹ کو اس کے دفتر میں گھس کر ہلاک کر دیا تھا۔