نئی دہلی: تمل ناڈو کے وزیر اعلی اور ڈراوڑ منیتر کزگم (ڈی ایم کے) کے صدر ایم کے اسٹالن نے جمعہ کو کانگریس کی چیئرپرسن سونیا گاندھی اور پارٹی کے رکن پارلیمنٹ راہل گاندھی سے ملاقات کی۔ ایک ٹویٹ میں راہل گاندھی نے اس ملاقات کی تصویر کو پوسٹ کیا ہے اور کہا ہے کہ’’کانگریس کی چیئرپرسن محترمہ سونیا گاندھی اور مجھے تمل ناڈو کے وزیر اعلی ایم کے اسٹالن اور مسز درگاوتی اسٹالن سے آج ملاقات کا شرف حاصل ہوا۔ ہم تمل عوام کے لئے ایک مضبوط اور خوشحال ریاست کی تعمیر کے لئے ڈی ایم کے کے ساتھ مل کر کام جاری رکھیں گے۔‘‘
Published: undefined
تمل ناڈو میں ڈی ایم کے کی زیرقیادت مخلوط حکومت کے قیام کے بعد وزیر اعلیٰ اسٹالن کی سونیا گاندھی اور راہل گاندھی کے ساتھ یہ پہلی ملاقات ہے۔ کانگریس بھی مخلوط حکومت میں شامل ہے۔ حالیہ اسمبلی انتخابات میں ڈی ایم کے اتحاد نے 234 رکنی ریاستی اسمبلی میں کل 159 نشستوں پر کامیابی حاصل کی۔ ڈی ایم کے نے 133 نشستوں پر کامیابی حاصل کی اور اکثریت حاصل کی جبکہ اس کی اتحادی جماعتوں کانگریس، وی سی کے، سی پی آئی اور سی پی آئی (ایم) نے بالترتیب 18، 4 اور 2 نشستوں پر کامیابی حاصل کی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا