سپریم کورٹ نے لکھیم پور کھیری تشدد معاملے میں کلیدی ملزم آشیش مشرا کی ضمانت عرضی پر منگل کو اتر پردیش حکومت سے جواب مانگا۔ آشیش مشرا مرکزی وزیر اجئے مشرا ٹینی کے بیٹے ہیں اور انھوں نے ضمانت عرضی خارج کرنے کے الٰہ آباد ہائی کورٹ کے فیصلے کو سپریم کورٹ میں چیلنج پیش کیا ہے۔
Published: undefined
عرضی پر سماعت جسٹس اندرا بنرجی اور ایم ایم سندریش کی بنچ میں ہوئی جس میں آشیش کی طرف سےسینئر وکیل مکل روہتگی اور رنجیت کمار پیش ہوئے۔ روہتگی نے کہا کہ عرضی دہندہ کے خلاف الزام تھا کہ وہ کار چلا رہا تھا، لیکن کار کوئی اور چلا رہا تھا۔ انھوں نے کہا کہ جانکاری دینے والے نے آخر کار کہا کہ وہ عینی شاہد نہیں تھا۔ وکیل نے کہا کہ ان کے موکل کی ضمانت رد کر دی گئی کیونکہ الٰہ آباد ہائی کورٹ نے متاثرین کی دلیلیں نہیں سنیں۔
Published: undefined
اس سے قبل 18 اپریل کو سپریم کورٹ نے آشیش مشرا کو دی گئی ضمانت کو رد کر دیا تھا اور اسے ایک ہفتے کے اندر خودسپردگی کرنے کی ہدایت دی تھی۔ چیف جسٹس این وی رمنا (اب سبکدوش) اور جسٹس سوریہ کانت اور ہیما کوہلی کی صدارت والی بنچ نے الٰہ آباد ہائی کورٹ سے اس بات کی نئے سرے سے جانچ کرنے کو کہا تھا کہ مشرا کو ضمانت دی جانی چاہیے یا نہیں۔
Published: undefined
آشیش مشرا کو گزشتہ سال 9 اکتوبر کو گرفتار کیا گیا تھا۔ لکھیم پور کھیری میں کسانوں کے احتجاجی مظاہرہ کے دوران 3 اکتوبر کو ہوئے تصادم میں چار کسانوں سمیت آٹھ لوگوں کی موت ہو گئی تھی، جس کے بعد آشیش مشرا کو گرفتار کیا گیا تھا۔ مشرا کی کار سے کچلے گئے کسانوں کے کنبہ کے اراکین نے انھیں ملی ضمانت کو چیلنج پیش کرتے ہوئے عدالت عظمیٰ کا رخ کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined