قومی خبریں

سپریم کورٹ: منیش سسودیا کی عبوری ضمانت کی درخواست، سماعت 4 اکتوبر تک ملتوی

سپریم کورٹ نے جمعہ کو بدعنوانی اور منی لانڈرنگ کے مقدمات میں جیل میں بند دہلی کے سابق نائب وزیر اعلی منیش سسودیا کی عبوری ضمانت کی درخواست پر سماعت 4 اکتوبر تک ملتوی کر دی

<div class="paragraphs"><p>منیش سسودیا کی فائل تصویر / Getty Images</p></div>

منیش سسودیا کی فائل تصویر / Getty Images

 
Hindustan Times

نئی دہلی: سپریم کورٹ نے جمعہ کو بدعنوانی اور منی لانڈرنگ کے مقدمات میں جیل میں بند دہلی کے سابق نائب وزیر اعلی منیش سسودیا کی عبوری ضمانت کی درخواست پر سماعت 4 اکتوبر تک ملتوی کر دی۔ جسٹس سنجیو کھنہ اور ایس وی این بھٹی کی بنچ نے کہا کہ سماعت کی تاریخ کا فیصلہ آج (جمعہ) یا کسی اور دن کیا جائے گا۔

Published: undefined

سسودیا کی طرف سے پیش ہونے والے سینئر وکیل ابھیشیک منو سنگھوی نے التجا کی ’’اگر معاملہ 4 اکتوبر کو لیا جاتا ہے، تو اس سے سماعت کے لیے کافی وقت مل جائے گا۔‘‘ ایڈیشنل سالیسٹر جنرل ایس وی راجو سپریم کورٹ میں مرکزی تفتیشی ایجنسیوں کی جانب سے پیش ہوئے۔

Published: undefined

سسودیا نے اپنی بیمار بیوی سیما سے ملنے اور ان کی بگڑتی ہوئی صحت کی حالت سے متعلق میڈیکل رپورٹس جمع کرانے کے لیے ’انسانی بنیادوں پر‘ عبوری ضمانت کی درخواست دی ہے۔ اگست کو سپریم کورٹ نے عبوری ضمانت پر کوئی ہدایت دینے سے انکار کر دیا تھا اور عبوری ریلیف اور باقاعدہ ضمانت کی درخواستوں پر سماعت کے لیے کیس کو 4 ستمبر کو دوبارہ درج کرنے کی ہدایت کی تھی۔

Published: undefined

سپریم کورٹ نے اس سال جولائی میں نوٹس جاری کر کے عام آدمی پارٹی کے سینئر لیڈر کی طرف سے سی بی آئی اور ای ڈی کے مقدمات میں ضمانت دینے سے انکار کرنے کے دہلی ہائی کورٹ کے احکامات کو چیلنج کرنے والی درخواستوں پر تحقیقاتی ایجنسیوں سے جواب طلب کیا تھا۔

Published: undefined

دہلی ہائی کورٹ کی ایک ڈویژن بنچ نے 3 جولائی کو منیش سسودیا کو یہ کہتے ہوئے ضمانت دینے سے انکار کر دیا کہ وہ منی لانڈرنگ کی روک تھام کے قانون (پی ایم ایل اے) کے تحت ضمانت دینے کے لیے دو شرائط اور ٹرپل ٹیسٹ کو پورا نہیں کرتے ہیں۔

ای ڈی کی طرف سے 7 جولائی کو جاری کردہ ایک بیان میں کہا گیا کہ انہوں نے دہلی شراب پالیسی کیس میں منیش سسودیا، ان کی بیوی اور کچھ دیگر ملزمین کے 52.24 کروڑ روپے کے اثاثے ضبط کر لیے ہیں۔ سی بی آئی نے اس سال 26 فروری کو گرفتار کیے جانے کے بعد سسودیا کو ای ڈی نے 9 مارچ کو گرفتار کیا تھا۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined