سماجوادی پارٹی لیڈران و کارکنان نے آج وزیر اعظم نریندر مودی سے پہلے ہی پوروانچل ایکسپریس وے کا ’علامتی افتتاح‘ کر دیا۔ اس دوران انھوں نے سائیکل یاترا بھی نکالی۔ سماجوادی پارٹی رکن اسمبلی او سابق وزیر درگا پرساد یادو اور سماجوادی پارٹی رکن اسمبلی نفیس احمد سمیت سینکڑوں کارکنان علی الصبح سائیکل سے پوروانچل ایکسپریس وے پر پولیس کو چکما دے کر پہنچ گئے۔ ایکسپریس وے پر سماجوادی پارٹی لیڈروں نے سائیکلیں کھڑی کر کے پھولوں کی بارش کی اور علامتی طور پر پوروانچل ایکسپریس وے کا افتتاح کر دیا۔ اس کے بعد سماجوادی پارٹی لیڈران کے ساتھ کارکنان نے کئی کلومیٹر تک ایکسپریس وے پر سائیکل بھی چلائی۔
Published: undefined
اس دوران سماجوادی پارٹی رکن اسمبلی نفیس احمد نے کہا کہ ’’پوروانچل ایکسپریس کا سنگ بنیاد اور اس کو بنانے کا کام اکھلیش یادو نے اپنے وزیر اعلیٰ رہتے ہوئے ہی شروع کیا تھا اور سماجوادی ایکسپریس وے کی شکل میں پوروانچل کو ایک سوغات دی تھی، جس سے پوروانچل کی ترقی کا راستہ کھل سکے۔ بی جے پی حکومت لگاتار اکھلیش یادو کے کاموں پر اپنی مہر لگا کر اپنا نام کر رہی ہے، ان کی کوئی سوچ نہیں ہے۔‘‘
Published: undefined
نفیس احمد کا کہنا ہے کہ ’’آج اسی طریقے سے سماجوادی پوروانچل ایکسپریس وے کا نام بدل کر پوروانچل ایکسپریس وے کا افتتاح کرنے جا رہے ہیں، لیکن ہم لوگوں نے درگا پرساد یادو کی قیادت میں آج پوروانچل ایکسپریس وے کا افتتاح کر دیا۔ پھولوں کی بارش کر دی جس سے یہ پیغام جا سکے کہ اس اتر پردیش کی ترقی کا راستہ کوئی بنا سکتا ہے، اس کو کوئی آگے لے جا سکتا ہے تو اس کا نام اکھلیش یادو ہے۔‘‘
Published: undefined
دلچسپ بات یہ ہے کہ ایکسپریس وے کے علامتی افتتاح کی اطلاع سابق وزیر اعلیٰ اکھلیش یادو نے پہلے ہی دے دی تھی، اس کے باوجود پولیس محکمہ اور ضلع انتظامیہ اس کو لے کر سنجیدہ نہیں تھا۔ علامتی افتتاح کی خبر جب ملی تو انتظامیہ حرکت میں آئی۔ یو پی پولیس کے ہاتھ پیر پھول گئے۔ حالانکہ اس وقت تک سماجوادی پارٹی لیڈران و کارکنان اپنا کام کر کے جا چکے تھے۔
Published: undefined
دراصل سلطان پور ضلع میں وزیر اعظم نریندر مودی کے ذریعہ 16 نومبر یعنی منگل کو پوروانچل ایکسپریس کے افتتاح کا پروگرام طے تھا اور یہ وقت مقررہ پر ہوا بھی۔ اس سلسلے میں سبھی تیاریاں کی جا چکی تھیں، لیکن سماجوادی پارٹی لیڈران و کارکنان کے ذریعہ پہلے ہی اس ایکسپریس وے کا علامتی افتتاح کر دیا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined