رائے بریلی: کانگریس صدر سونیا گاندھی نے اپنے پارلیمانی حلقے رائے بریلی میں جمعرات کو ضلع و شہری صدر کے ٹریننگ کیمپ میں اترپردیش میں پارٹی کی مضبوطی کے علاوہ کسانوں کے مسائل پر مرکزی و ریاستی حکومت کو گھیرنے کی حکمت عملی پر تبادلہ خیال کیا۔
سونیا گاندھی دو روزہ دورے پر بدھ کو بیٹی و جنرل سکریٹری پرینکا گاندھی کے ساتھ یہاں پہنچی تھیں۔ بھوئے مئو گیسٹ ہاوس میں انہوں نے کانگریس کے ضلع اور شہری صدر کے تربیتی کیمپ میں پارٹی کے ذمہ داروں کے ساتھ میٹنگ کی۔ رائے بریلی کے بعد سونیا اور پرینکا نے رات کے وقت امیٹھی کا بھی دورہ کیا اور سڑک حادثے کے ایک متاثرہ خاندان سے ملاقات کی۔
Published: undefined
انہوں نے اترپردیش کی سیاسی صورتحال پر غوروخوض کیا اور تنظیم کو بوتھ سطح پر مضبوط بنانے کی حکمت عملی کے ساتھ کسانوں کے مسائل کو لے کر سرکار کے خلاف سڑک سے لے کر اسمبلی تک اور بلاک سے لے کر راجدھانی تک احتجاج کئے جانے کا خاکہ بھی طے کیا۔
Published: undefined
کانگریس لیڈر پرینکا گاندھی واڈرا نے کانگریس لیڈروں اور کارکنوں کو سب سے پہلے کسانوں کے گھر جاکر اور نکڑپروگرام کر کے ان کو درپیش مسائل و دقتوں کو سننے کا مشورہ دیا۔ دوسری جانب کسانوں کے مطالبے کی بنیاد پر بلاک،تحصیل اور ضلع سطح کے افسران کو بھی گھیرنے کی ہدایت دی۔
Published: undefined
کانگریس صدر اور پرینکا گاندھی نے پارٹی عہدیداروں کے ساتھ اس مشترکہ میٹنگ میں کسان تحریک کے آخری مرحلے میں راجدھانی لکھنؤ میں ایک ’’کسان آکروش مورچہ‘‘ کے ذریعہ ریاست کی حکمراں یوگی حکومت کو بھی گھیرنے کا اعلان کیا۔
کانگریس کا تربیتی کیمپ 20 جنوری سےبھوئے مئو گیسٹ ہاوس میں چل رہا ہے جس میں پارٹی کے تمام ضلع وشہری صدر کو ٹریننگ دی جارہی ہے۔ تربیتی کیمپ میں نومنتخب پارٹی عہدہ داروں کو کانگریس کے نظریات، تاریخ، سیاسی حکمت عملی، ہندوستانی تہذیب و ثقافت کی معلومات دی جا رہی ہے۔
Published: undefined
تربیتی کیمپ میں ضلع سطح پر تشکیل شدہ ضلع کمیٹی کی جوابدہی اور ذمہ داری بھی طے کی گئی ہے تاکہ وہ پوری مستعدی سے سیاسی حملوں کا جواب پوری مضبوطی کے ساتھ رکھ سکیں۔ اس دوران ضلع اور شہری عہدیداروں کو بوتھ سطح پر منیجمنٹ اور کمیٹیوں کے تعمیر کے ساتھ ہی سوشل میڈیا کے بہتر استعمال کی بھی ٹریننگ دی گئی ہے۔
Published: undefined
سونیا گاندھی اور پرینکا گاندھی رائے بریلی کے بعد امیٹھی پہنچیں اور سڑک حادثے میں جاں بحق ہونے والے افراد کے اہل خانہ سے ملاقات کی۔ اس حادثے میں ایک ہی خاندان کے 6 افراد ہلاک ہوگئے ہیں۔ سونیا اور پریانکا گاندھی امیٹھی کے بھریٹھا گاؤں پہنچیں اور سوگوار کنبہ سے ملاقات کی۔ اس سڑک حادثہ میں گاؤں کے سابقہ پردھان کی بھی موت ہوئی ہے۔
سونیا اور پریانکا گاندھی کا امیٹھی دورہ پہلے سے طے شدہ نہیں تھا۔ یہ حادثہ پیر کی شب امیٹھی - گوری گنج شاہراہ پر اس پیش آیا تھا جب ایک ٹرک نے بولیرو گاڑی کو ٹکر مار دی، جس میں سوار کنبہ گوری گنج میں ایک تقریب میں شرکت کے بعد اپنے گاؤں لوٹ رہا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا