نوئیڈا: خاتون کے ساتھ بدسلوکی کرنے کے الزام میں گرفتار ہونے والے شری کانت تیاگی نے کہا کہ وہ خاتون اس کی بہن کی طرح ہے اور اسے ’سیاسی طور پر تباہ‘ کرنے کے لئے اس کے خلاف یہ سازش رچی گئی ہے۔ وہیں، نوئیڈا کی گرینڈ اومیکس سوسائٹی میں خاتون سے گالی گلوچ اور مار پیٹ کے ملزم تیاگی کو سورج پور کورٹ نے 14 روزہ عدالتی تحوہل میں بھیج دیا۔
Published: undefined
خیال رہے کہ شری کانت تیاگی کو پولیس نے گزشتہ روز میرٹھ سے گرفتار کیا ہے۔ اس کے ساتھ مزید تین لوگوں کو گرفتار کیا گیا ہے۔ شری کانت تیاگی ہفتہ کے روز سے فرار تھا اور یوپی پولیس نے اسے واقعہ کے تین دن بعد گرفتار کیا۔ یوپی پولیس نے اس پر 25000 کا انعام بھی رکھا تھا۔
Published: undefined
گوتم بدھ نگر پولیس کمشنر آلوک سنگھ نے کہا کہ ہماری سوشل میڈیا ٹیم کی طرف سے ایک نوٹیفکیشن آیا، جس میں اومیکس کی ایک ویڈیو تھی۔ ہم نے اس کا فوری نوٹس لیا۔ یہ ویڈیو 5 اگست کے واقعے کی ہے۔ ہم نے متاثرہ سے رابطہ کیا۔ پھر متاثرہ کی شکایت لینے کے بعد ہم نے ملزم کی تلاش شروع کی۔ ملزمان کی گرفتاری کے لیے 12 ٹیمیں تشکیل دی گئی تھیں۔ ملزم یوپی سے باہر بھی گیا تھا۔ تلاشی کے لیے تکنیکی تحقیقات، سی سی ٹی وی فوٹیج کی جانچ شروع کی گئی۔ ملزمان بڑی چالاکی سے پولیس سے بچتے رہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم