قومی خبریں

ہند-پاک کشیدگی: شتروگھن سنہا کا پی ایم مودی پر طنز ’24 گھنٹے میں کیا سے کیا ہو گیا؟‘

بی جے پی کے سینئر لیڈر شتروگھن سنہا نے پی ایم مودی پر طنز کستے ہوئے ٹوئٹ کیا ہے کہ ’’یہ کیا سے کیا ہو گیا؟ وہ بھی صرف 24 گھنٹے کے اندر۔‘‘

تصویر سوشل میڈیا
تصویر سوشل میڈیا 

ہندوستانی فضائیہ کے ذریعہ پاکستان میں ائیر اسٹرائیک کیے جانے کے بعد سے دونوں ممالک کے درمیان کشیدگی جاری ہے۔ اسی درمیان بی جے پی کے سینئر لیڈر شتروگھن سنہا نے پی ایم مودی کو طنز کا نشانہ بنایا ہے۔ انھوں نے اپنے ایک طنزیہ ٹوئٹ میں لکھا ہے کہ ’’یہ کیا سے کیا ہو گیا؟ وہ بھی صرف 24 گھنٹے کے اندر۔ اب بھی پورا ملک رہنمائی، سمت اور قیادت کے لیے اس بحران کے وقت میں آپ کی جانب دیکھ رہا ہے۔ ہم مضبوطی سے آپ کے ساتھ کھڑے ہیں۔‘‘

Published: undefined

شتروگھن سنہا نے اپنے اس ٹوئٹ کو مزید آگے بڑھاتے ہوئے لکھا ہے کہ ’’زخمی پائلٹ بھائی قید ہے۔ اسے جلد واپس لے کر آئیے۔ مسلح افواج کے لیے ہمارا پیار۔ جے ہو، جے ہو، جے ہو، اور ہمیشہ جے ہند!‘‘ دراصل 26 فروری کو ہندوستانی فضائیہ کے ذریعہ پاکستانی علاقہ بالاکوٹ میں واقع جیش محمد کے کنٹرول روم کو تباہ کیے جانے کے بعد پی ایم نریندر مودی نے اپنی تقریروں میں خوب بڑی بڑی باتیں کیں اور پھر 27 فروری کو ہی دونوں ملکوں کی گولہ باری کے بعد ایک ہندوستانی پائلٹ کو پاکستان نے گرفتار کر لیا۔ اس واقعہ کے بعد حالات کافی کشیدہ ہو گئے ہیں اور گرفتار ہندوستانی پائلٹ ابھینندن ورتمان کو جلد وہاں سے رہائی کے لیے پی ایم مودی پر دباؤ بڑھ گیا ہے۔

Published: undefined

قابل ذکر ہے کہ ہندوستان کی ائیر اسٹرائیک کی کارروائی کے جواب میں بدھ کو پاکستان کے ایک طیارہ نے ہندوستانی سرحد میں گھسنے کی کوشش کی، جسے ہوا میں ہی مار گرایا گیا تھا۔ وزارت خارجہ کے ترجمان رویش کمار نے کہا تھا کہ ہندوستان کی ائیر اسٹرائیک کے جواب میں پاکستان نے جو قدم اٹھایا تھا ہندوستان نے اس کا سخت جواب دیا اور ان کے جنگی طیارہ کو مار گرایا۔ وزارت داخلہ کے ترجمان رویش کمار نے آگے بتایا تھا کہ اس کارروائی میں ہندوستان کا بھی ایک مگ-21 طیارہ تباہ ہو گیا اور ہندوستانی فضائیہ کا ایک پائلٹ لاپتہ ہے۔ اس کا نام ابھینندن بتایا گیا۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined