روپیہ کے کمزور ہونے کا سلسلہ جاری، مزید 18 پیسے کمزور ہوا

امریکی فیڈرل ریزرو کے اگلے سال شرح سود میں کٹوتی کی اپنی پیشن گوئی واپس لینے سے کل  انٹربینک کرنسی مارکیٹ میں روپیہ 18 پیسے گر کر پہلی بار85.13 روپے فی ڈالر پر آگیا۔اس کے پچھلے کاروباری دن روپیہ 84.95 روپے فی ڈالر پر تھا۔

روپیہ ابتدائی تجارت میں 12 پیسے کم ہوکر 85.07 فی ڈالر پر کھلا اور سیشن کے دوران تیل کے درآمد کنندگان اور بینکرز کی جانب سے خریداری کے دباؤ میں 85.14 روپے فی ڈالر کی ریکارڈ کم ترین سطح پرلڑھک گیا۔ اس کے ساتھ ساتھ فروخت کے باعث یہ 85.03 روپے فی ڈالر کی بلند ترین سطح پر رہا۔ آخر میں، یہ گزشتہ روز کے 84.95 روپے فی ڈالر کے مقابلے میں 18 پیسے کم ہوکر 85.13 روپے فی ڈالر پر آگیا۔

تجزیہ کاروں کے مطابق، فیڈرل ریزرو نے سال 2025 میں صرف دو سہ ماہی شرح سود میں کٹوتی کی امید ظاہر کی ہے، جو سرمایہ کاروں کی تین یا چار کٹوتیوں کی توقعات سے کم ہے۔ اس سے ایشیائی کرنسیوں پر دباؤ بڑھا ہے۔ واضح رہے روپیہ ڈالر کے مقابلہ کمزور ہو رہا ہے اور اب اس کی قیمت 85روپے کے پار پہنچ گئی ہے جس کے اثرات ہندوستانی معیشت پر نظر آئیں گے۔