دہرادون: اس بار اتراکھنڈ میں بارش نے کافی تباہی مچائی ہے اور گزشتہ 80 دنوں ریاست کے حالات ابتر نظر آ رہے ہیں۔ کئی مقامات پر سیلاب کی تباہ کاریاں دیکھنے میں آئیں جبکہ دیگر مقامات پر بادل پھٹنے اور لینڈ سلائیڈنگ کے واقعات نے دلوں کو دہلا دیا۔ دریں اثنا، متعدد افراد نے اپنی جان گنوا دی۔
Published: undefined
اس سال 15 جون سے اب تک اس آفت نے سو سے زائد خاندانوں کے لیے ناقابل تلافی زخم چھوڑے ہیں۔ آفت کی تباہ کاریوں سے بہت زیادہ نقصان ہوا ہے۔ ریاست کے تمام اضلاع زیادہ بارش، لینڈ سلائیڈنگ اور سیلاب کی وجہ سے متاثر ہیں۔ سب سے زیادہ جانی نقصان رودرپریاگ ضلع میں ہوا ہے۔ یہاں 21 لوگوں کی جانیں گئیں جبکہ 13 لاپتہ ہیں۔
صرف اتنا ہی نہیں 93 خاندانوں نے اپنے رشتہ داروں کو کھو دیا، جبکہ 16 کا ابھی تک پتہ نہیں چل سکا۔ اتنا ہی نہیں 51 لوگ زخمی ہوئے ہیں۔
Published: undefined
گزشتہ 80 دن پوری ریاست کے لیے مشکل رہے ہیں۔ ڈیزاسٹر مینجمنٹ ڈیپارٹمنٹ کے اعداد و شمار کے مطابق آفت سے نہ صرف جانی نقصان ہوا بلکہ 1914 مکانات بھی متاثر ہوئے۔ ان میں سے 56 مکانات مکمل طور پر منہدم ہو گئے جبکہ 181 کی حالت اب رہنے کے قابل نہیں ہے۔ باقی کو جزوی نقصان پہنچا ہے۔
Published: undefined
ریاست میں اس آفت کی وجہ سے مویشیوں کو بھی کافی نقصان پہنچا ہے۔ اب تک 7798 مویشیوں کی موت ہو چکی ہے۔ اس کے علاوہ سڑکوں، پینے کے پانی اور بجلی کی لائنوں سمیت عوامی املاک کو بڑے پیمانے پر نقصان پہنچا ہے۔ اس سب کی تشخیص ابھی جاری ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined