ریلوے کا سامان چرانے والے گینگ کا پردہ فاش، کئی چوروں کی ہوئی گرفتاری

اکثر ریلوے کے سامان چوری ہونے کی خبریں سامنے آتی رہتی ہیں اور بیشتر مواقع پر چوروں کا پتہ نہیں چل پاتا۔ لیکن ممبئی سنٹرل ریل کے آر پی ایف نے چوروں کے ایک گینگ کا پردہ فاش کیا ہے۔ سنٹرل ریل آر پی ایف انٹلیجنس وِنگ اور کرلا آر پی ایف اہلکاروں نے مل کر ریکارڈ وقت میں ریلوے سامان کی ایک بڑی چوری کا معاملہ سلجھا دیا ہے۔ بتایا جا رہا ہے کہ گزشتہ 18 اگست کو ریلوے میں ایک بڑی چوری ہوئی تھی اور اس دوران 17 اشخاص کو او ایچ ای سامان، وزن 34 میٹرک ٹن کے ساتھ گرفتار کیا گیا ہے۔ ان سبھی سامانوں کی قیمت 25.6 لاکھ روپے بتائی جا رہی ہے۔

انٹلیجنس وِنگ سے موصولہ اطلاعات کے مطابق انسپکٹر آر پی ایف (کُرلا) نے کُرلا علاقہ میں چھاپہ ماری کر کے 17 لوگوں کو گرفتار کیا گیا جن کے پاس سے ایک ٹرک، ایک اسکوٹی، 15 آکسیجن سلنڈر، 5 کمرشیل گیس سلنڈر اور 9 گیس کٹر کے ساتھ ساتھ ریلوے سے چوری کیے گئے سامان بھی برآمد ہوئے ہیں۔ پوچھ تاچھ کرنے پر یہ بھی پتہ چلا کہ ایک ٹرک چوری کے سامان پہلے ہی باہر بھیج دیے گئے ہیں۔

تفصیلی جانکاری حاصل کرنے کے بعد ٹرک کا پتہ لگانے کے لیے پولس ٹیم کی تشکیل کی گئی تھی اور 12 گھنٹے کے اندر ہی نہ صرف ٹرک کو برآمد کیا گیا بلکہ اہم ملزم کو بھی گرفتار کر لیا گیا ہے۔ او ایچ ای سامان کُرلا میں او ایچ ای کے قیام کے لیے خریدے گئے تھے اور ڈیزل شیڈ، کُرلا کے پاس پڑی تھی۔ قابل ذکر ہے کہ ممبئی سنٹرل ریلوے کچھ دن قبل سے ہی ڈرون کیمرے کی مدد سے اپنے ریلوے احاطہ کے سیکورٹی انتظامات پر نظر رکھ رہی ہے اور یہی وجہ ہے کہ چوروں کی جلد گرفتاری ہو پائی۔