9 دسمبر کو مغربی بنگال کے دو روزہ دورے پر پہنچے بی جے پی قومی صدر جے پی نڈّا کے قافلے پر حملہ کی خبریں سامنے آ رہی ہیں۔ موصولہ اطلاعات کے مطابق ریاست کے ڈائمنڈ ہاربر میں جے پی نڈّا کے قافلے پر کچھ مظاہرین نے پتھراؤ کیا۔ اس کے ساتھ ہی قافلے کو روکنے کی بھی کوشش کی گئی ہے۔ نڈّا کے قافلے پر حملہ کی ویڈیو وائرل ہو رہی ہے اور جس گاڑی پر حملہ ہوا ہے اس میں کیلاش وجے ورگیہ موجود تھے۔
Published: undefined
بی جے پی نے اس حملہ کے تعلق سے ترنمول کانگریس کو مورد الزام ٹھہرایا اور کہا ہے کہ اس برسراقتدار پارٹی کی سازش ہے۔ مغربی بنگال بی جے پی سربراہ دلیپ گھوش کا کہنا ہے کہ پارٹی صدر جے پی نڈّا کے ریاستی دورہ کے دوران سیکورٹی میں چوک ہوئی ہے۔ بدھ کو ان کے پروگرام میں پولس کی کوئی موجودگی نہیں تھی اور اس سلسلے میں مرکزی وزیر داخلہ امت شاہ کے ساتھ ساتھ مقامی انتظامیہ کو بھی خط لکھا گیا ہے۔
Published: undefined
اس درمیان بی جے پی کے الزامات کو ترنمول کانگریس نے سرے سے مسترد کر دیا ہے۔ ترنمول لیڈروں کا کہنا ہے کہ نڈّا کے قافلے پر حملہ ترنمول کے لوگوں نے نہیں کرایا ہے۔ یہاں قابل ذکر ہے کہ مغربی بنگال کی وزیر اعلیٰ ممتا بنرجی نے بدھ کے روز ہی بی جے پی پر اس طرح کا الزام عائد کیا ہے کہ پارٹی منصوبہ بند سازش کے تحت خود اپنے کارکنان پر گولی چلوا رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined