بھج: وزیر اعظم نریندر مودی نے آج اپنی آبائی ریاست گجرات کے کچھ علاقے میں دنیا کے سب سے بڑے الٹرا میگا ہائبرڈ قابل تجدید توانائی پارک کا سنگ بنیاد رکھا وزیر اعظم نے کچھ کے یک روزہ دورے کے دوران دھورڈو کے ٹینٹ سٹی میں سمندرکے نمکین پانی کو پینے کے قابل اور دیگر قابل استعمال بنانے کے لیے چار پلانٹوں کا بھی سنگ بنیاد رکھا۔
Published: undefined
وزیر اعظم بھج ائیرپورٹ سے براہ راست دھورڈو پہنچے اور کچے کے مضافات میں بڑے رن میں شمسی اور بادی توانائی کے 30 ہزار میگاواٹ کے حامل دنیا کے سب سے بڑے ہائبرڈ قابل تجدید توانائی پارک کی ورچوئل طریقے سے بھومی پوجن کی۔ تقریباً 1.5 ڈیڑھ لاکھ کروڑ روپے کی لاگت سے یہ پلانٹ 70 ہزار ہیکٹر میں پھیلا ہو گا اور یہ رقبے میں بحرین اور سنگاپور جیسے ممالک جتنا بڑا ہوگا۔ اس سے ایک لاکھ افراد کو روزگار ملے گا۔
Published: undefined
انہوں نے سمندر کے نمکین پانی کو خالص میٹھے پانی میں تبدیل کرنے والے چار پلانٹوں کی بھی بھومی پوجن کی۔ یہ کچھ کے مانڈوی، گنڈیالی کے علاوہ سوراشٹر میں گاندھوی۔دوارکا، گھوگھا-بھاو نگر اور ستراپاڑہ- سومناتھ میں قائم ہوں گے۔ ان کی صلاحیت بالترتیب روزانہ 100 کروڑ لیٹر، 7 کروڑ لیٹر، 7 کروڑ لیٹر اور 3 کروڑ لیٹر ہوگی۔ مانڈوی پلانٹ دو سال میں مکمل ہوگا اور اس پر 800 کروڑ روپئے لاگت آئے گی۔
Published: undefined
پی ایم مودی نے امول برانڈ کے کچھ ڈسٹرکٹ کوآپریٹو دودھ پروڈیوسرس ایسوسی ایشن لمیٹڈ یعنی سرہد ڈیری کی جانب سے انجار اور بھاؤچ کے درمیان 129 کروڑ روپے کی لاگت سے دو لاکھ لیٹر صلاحیت والے دودھ کے چیلنگ پلانٹ کی بھومی پوجن بھی کی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا