بہار میں عالمی وباء کورونا وائرس کے بڑھنے کے درمیان پٹنہ ہائی کورٹ نے آج ایک بار پھر کورونا وائرس سے نمٹنے میں ناکامی پر ریاستی حکومت کی سرزنش کی اور یہ تلخ تبصرہ بھی کیا کہ بار بار عدالتی احکامات کے باوجود صورتحال میں بہتری نہ ہونا شرم کی بات ہے اور اس صورتحال میں ریاست کے اندر کوڈ مینجمنٹ کی ذمہ داری فوج کو سونپ دینی چاہئے۔
Published: 05 May 2021, 7:11 AM IST
پٹنہ ہائی کورٹ کے جج چکردھاری شرن سنگھ اور جسٹس موہت کمار شاہ کی ڈویژن بنچ نے کورونا وائرس سے متعلق دائر مفاد عامہ کی درخواستوں پر سماعت کرتے ہوئے کورونا وائرس پر قابو پانے کے ناقص انتظامات پر برہمی کا اظہار کرتے ہوئے کہا کہ بار بار احکامات دیے جانےکے باوجود صورتحال بہتر نہيں ہونا شرم کی بات ہے۔ ججوں نے کہا کہ "ہمارے خیال میں آپ ناکام ہو رہے ہیں، پھر کیوں نہ کووڈ مینجمنٹ کی ذمہ داری فوج کو سونپ دی جائے"۔
Published: 05 May 2021, 7:11 AM IST
ایڈوکیٹ جنرل للت کشور نے بنچ کے اس تبصرے پر اعتراض کرتے ہوئے کہا کہ ریاستی حکومت اس وبا سے نمٹنے کیلئے جنگی پیمانے پر کام کررہی ہے۔ ہر دن اور ہر ہفتہ حکومت کووڈ کے مریضوں کے لئے آکسیجن اور بستر وں میں اضافہ کررہی ہے۔ انہوں نے کیرالہ اور مہاراشٹر میں کورونا انفیکشن اور اموات کا موازنہ بہار سے کرتے ہوئے کہا کہ ان دونوں ریاستوں میں زیادہ وسائل ہونے کے باوجود بہار سے زیادہ اموات ہوئیں۔
Published: 05 May 2021, 7:11 AM IST
اس پر بنچ نے برہمی کا اظہار کرتے ہوئے کہا کہ عام شہریوں کی موت کا کسی سے موازنہ نہیں ہوسکتا۔ اس کے بعد عدالت نے کورونا وائرس کی وبا سے نمٹنے کے انتظامات اور منصوبوں سے متعلق تفصیلی معلومات دینے کے لئے کل تک کا وقت دیا۔ ججوں نے کہا کہ "پہلے آپ اپنی تمام تفصیلات حوالے کردیں، پھر عدالت اس پر غور کرے گی"۔
Published: 05 May 2021, 7:11 AM IST
اس سے قبل، بہار حکومت کی طرف سے عدالت کو بتایا گیا تھا کہ حکومت نے ریاست میں کورونا وائرس کو کنٹرول کرنے کے لئے 5 مئی سے 15 مئی تک مکمل تالا بندی کا فیصلہ کیا ہے۔ عدالت ریاستی حکومت کے اس فیصلے سے بھی مطمئن نہیں ہوئی اور حکومت کے رویہ پر ناراضگی کا اظہار کیا۔ اس معاملے میں اب آئندہ سماعت 6 مئی کو ہوگی۔
Published: 05 May 2021, 7:11 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 05 May 2021, 7:11 AM IST
تصویر: محمد تسلیم
تصویر: سوشل میڈیا