دہلی: بہو نے اپنی ساس کا سر كچل كر کیا قتل، پولس نے کیا گرفتار

دہلی کے بیگم پور علاقے میں ایک بہو نے اپنی ساس کو قتل کر دیا ہے، پولس کے مطابق بہو روز روز کے جھگڑے اور شکایات سے پریشان تھی اسی وجہ سے اس نے اپنی ساس کو مار ڈالا۔ پولس نے ملزم بہو کو گرفتار کر لیا ہے۔ گرفتار خاتون کا شوہر باؤنسر ہے۔

پولس کے مطابق قتل کی اس واردات کو گھر کے اندر ہی انجام دیا گیا، قتل کا یہ واقعہ دہلی کے روہنی ضلع میں 8 اگست کی شام پانچ سے چھ بجے کے درمیان انجام دیا گیا۔ پولس ڈپٹی کمشنر ایس ڈی مشرا کے مطابق ’’بزرگ عورت کا نام چمیلی دیوی ہے، جبکہ ملزم بہو کا نام تمنا ہے۔ تمنا کا باؤنسر شوہر واردات کے وقت گھر میں موجود نہیں تھا‘‘۔

پولس کے مطابق واردات کو انجام دینے کے بعد ملزم خاتون نے اس قتل کو لوٹ مار کا رنگ دینے کی کوشش کی۔ موقع پر پہنچی پولس کو اس نے بتایا کہ دو بدمعاش گھر میں گھس آئے اور اس کی ساس کا قتل کرکے فرار ہو گئے۔

پولس کو ملزمہ کی کہانی پر شک ہوا، اس نے آس پاس لگے سی سی ٹی وی کیمروں کی فوٹیج کو دیکھا تو ان کیمروں کی فوٹیج میں واقعہ والے وقت گھر میں کسی بھی دوسرے شخص کے آنے جانے کی تصدیق نہیں ہو پائی۔ اس سے پولس کو مقتول خاتون کی بہو پر شک ہوا، جب پولس نے اس سختی سے پوچھ تاچھ کی گئی تو اس نے اپنے جرم کا اعتراف کر لیا۔

ملزم خاتون نے پولس کو بتایا کہ ساس آئے دن اس سے جھگڑا کرتی تھی، اس کے بعد ساس اپنے بیٹے منیش سے اس کی شکایت کر دیتی تھی، جس سے اس کا شوہر منیش بیوی کو کھری کھوٹی سناتا تھا۔ واردات والے دن بھی ساس بہو کا خوب جھگڑا ہوا تھا۔ لڑائی کے دوران جب ساس نے بہو تمنا کی شکایت کرنے کی دھمکی دی تو اس نے گھبرا کر اپنی ساس کا سر كچل كر قتل کر دیا۔