اورنگ زیب کی قبر کھودنے کی ایم این ایس اور بی جے پی کی دھمکی

مہاراشٹر کے شہر اورنگ آباد کے نزدیک خلد آباد میں واقع شہنشاہ اورنگ زیب کی قبر کو کھودنے کے بھارتیہ جنتا پارٹی اور مہاراشٹر نو نرمان سینا کی دھمکی کے بعد قبر کے آس پاس حفاظتی انتظامات سخت کر دیے گئے ہیں۔

ایم این ایس ورکر گجانن کالے نے منگل کو اورنگ زیب کی قبر کی ضرورت پر سوال اٹھایا تھا جبکہ بی جے پی ایم ایل سی پرساد لاڈ نے دھمکی دی ہے کہ اورنگ زیب کی قبر کو اکھاڑ پھینک دیاجائیگا،کیونکہ اس کی وجہ سے اورنگ آباد میں سیاحتی سرگرمیاں زیادہ ہیں۔

ایم این ایس لیڈر گجانن کالے کی دھمکی کے بعد قبر کے اطراف مہاراشٹر پولیس اور اور آرکیا لوجیکل سروے آف انڈیا کی جانب سے زائد فورس تعینات کردی گئی ہے، لیکن فی الحال اسے عام سیاحوں کے لئے بند نہیں کیا گیا ہے۔

گجانن کالے نے زائد حفاظتی انتظامات ہٹانے کا فوری مطالبہ کیا ہے جبکہ پرساد کا کہنا ہے کہ وزیر اعلی ادھو ٹھاکرے کایہی ہندو توا برانڈ ہے کہ ہے کہ ہنومان چالیسہ پڑھنے والوں کوملک دشمن قرار دیاجاتا ہے ۔انہوں نے اورنگزیب کو ہندو مخالف قرار دیااور مندروں کو توڑاگیا اور سنبھاجی کو جیل میں بھیجاگیا۔
نیشنلسٹ کانگریس پارٹی کے صدر شردپوار نے پوچھا کہ کیابی جے پی اور ایم این ایس مہاراشٹر میں اورنگزیب کی قبر کو نقصان پہنچانے کا معاملہ اٹھا کر ایک نیا تنازعہ پیدا کرنا چاہتے ہیں۔

واضح رہے کہ حال میں مجلس اتحاد المسلمین کے رہنماء اکبر الدین اویسی کے اورنگ آباد دورہ کے دوران اورنگ زیب کی قبر کا دورہ کرنے پر بی جے پی ایم این ایس نے اعتراض کرتے ہوئے کہاکہ انہیں بھی اورنگ زیب کے بغل میں دفنا دیا جائے گا۔