سردار سروور پروجیکٹ: میدھا پاٹکر نے نویں دِن ختم کی اپنی بھوک ہڑتال

بڑوانی: نرمدا بچاؤ تحریک کی لیڈر میدھا پاٹکر نے مدھیہ پردیش کے وزیر اعلی کے نمائندے اور ریاست کے سابق چیف سکریٹری ایس سی بیہار سے بات چیت کے بعد اپنی بھوک ہڑتال اور دھرنا ختم کردیاہے۔

بڑوانی ضلع کے چھوٹا بڑدا پہنچے ایس سی بیہار نے میدھا پاٹکر کو لیمو پانی پلا کر کل دیررات ان کی بھوک ہڑتال ختم کرائی۔میدھا پاٹکر کے ساتھ بھوک ہڑتال پر بیٹھے نرمدا بچاؤ تحریک کے چھ دیگر کارکنان نے بھی اپنی بھوک ہڑتال ختم کی،جن میں چار خواتین شامل تھیں۔

پیر کی دیر شام وزیراعلی کمل ناتھ کے نمائندے کے طورپر چھوٹا بڑدا آئے سابق چیف سکریٹری ایس سی بیہار نے دھرنے کے مقام پر پہنچ کر میدھا پاٹکر اور ان کے ساتھیوں سے بات چیت کر کے انہیں وزیراعلی کے پیغام اور سردار سروور پروجیکٹ کی آبی سطح کو کم کروانے کی کوششوں کے بارے میں تفصیل سے اطلاع دی۔ایس سی بیہار نے میدھا پاٹکر اورمتاثرین سے بھی بات چیت کرکے پوری معلومات حاصل کی۔

ایس سی بیہار نے اپیل کی کہ میدھا پاٹکر اور دیگر ساتھ اپنی صحت اور مدھیہ پردیش حکومت کے مکمل تعاون کے پیش نظر اپنی بھوک ہڑتال اور دھرنا ختم کردیں۔اس کے بعد طے ہوا کہ میدھا پاٹکر اور ساتھ 9ستمبر کو بھوپال میں نرمدا وادی ترقی اتھارٹی(این وی ڈی اے)کے عہدے داران کے ساتھ میٹنگ کریں گے۔میٹنگ میں ان کے مسئلوں کا حل نہ ہونے پر بھوپال مین اپنے اگلے قدم پر فیصلہ کیا جائےگا۔

میدھا پاٹکر اور ان کے ساتھ 25اگست سے بھوک ہڑتال اور دھرنےپر تھے۔سردار سروور باندھ آبی ذخائر سے منسلک مسئلے کے سلسلے میں میدھا پاٹکر اور ان کے ساتھیوں کی تحریک جاری ہے۔