مرکزی حکومت نے ناقص کٹس کے بدلے صحیح کٹس فراہم نہیں کی:ممتا بنرجی

وزیرا علیٰ ممتا بنرجی نے آج مرکزی حکومت کی تنقید کرتے ہوئے کہا ہے کہ مرکزکے ذریعہ ناقص کٹس بھیجے جانے کی وجہ سے کورونا وائرس کے جانچ کے عمل میں تاخیر ہوئی ہے۔ ممتا بنرجی نے کہا کہ اب تک جانچ کٹس نہیں ملی ہیں۔

مرکزی بین وزارتی ٹیم کے دورہ کے لے کر بنگال حکومت اور مرکزکے درمیان جاری تنازع کے ایک دن بعد ممتا بنرجی نے کہا کہ بنگال میں جانچ کم ہونے کی بات غلط ہے۔ بنگال میں خراب کٹس بھیجی گئیں جس کی وجہ سے جانچ کے عمل میں تاخیر ہوئی ہے۔ ممتا بنرجی نے کہا کہ ہرایک دن مرکزی حکومت ہم سے کہتی ہے کہ ہمیں کیا کرنا ہے اور کیا نہیں کرنا ہے۔ ممتا بنرجی نے کہا کہ ہم لوگ بہتر سے بہتر اقدمات کررہے ہیں۔

ممتا بنرجی نے کہا کہ آئی سی ایم آر نے ہمیں تین طرح کے ٹسٹ کٹس بھیجے ہیں۔بی جی آئی آر ٹی اور پی سی آر کٹس کو آئی سی ایم آر نے واپس لے لیا ہے۔

وزیر اعلیٰ ممتا بنرجی نے آج بھی کئی علاقو ں خضر پوراور پارک سرکس کا دورہ کرکے عوام سے اپیل کی لاک ڈاؤن کو کامیاب بنائیں۔ممتا بنرجی نے کہاکہ لاک ڈاؤن کے درمیان غیر ضروری طور پر گھر سے باہر نہ نکلیں۔ممتابنرجی نے کہا کہ میں جانتی ہوں کہ یہ بہت ہی مشکل وقت ہے۔بچے بھی پریشان ہیں مگر کورونا وائرس سے نمٹنے میں لاک ڈاؤن کے علاوہ کوئی دوسرا راستہ ہے۔

وزیرا علیٰ نے اپیل کی ہے کہ اگر کوئی بخار، کھانسی اور دیگر علامات ہیں تو اس کو چھپائے نہیں۔خوف زدہ ہونے کی ضرورت نہیں ہے۔وزیر اعلیٰ ممتا بنرجی نے پولس انتظامیہ سے اپیل کی کہ کورونا وائرس کے دوران لوگوں کی مدد کریں۔