کانگریس جنرل سکریٹری پرینکا گاندھی نے کہا کہ پہلے پٹرول-ڈیزل، کھانا پکانے کی گیس مہنگی ہوئی۔ دہی، آٹا، اناج بھی آج سے مہنگا ہو گیا۔ مودی جی کے کھرب پتی دوستوں کو فائدہ پہنچانے کے لیے آنے والے وقت میں بجلی مہنگی ہو جائے گی، کچھ لوگوں کے لیے اندھا دھند کمائی کا انتظام کیا جا رہا ہے، لیکن غریب اور متوسط طبقے کو "ریوڑی کلچر" کہہ کر بدنام کیا جا رہا ہے۔
Published: 18 Jul 2022, 9:40 AM IST
گجرات سے این سی پی ایم ایل اے کندھل ایس جڈیجہ کا کہنا ہے کہ انہوں نے این ڈی اے کی صدارتی امیدوار دروپدی مرمو کو ووٹ دیا ہے۔ بتا دیں کہ شرد پوار کی پارٹی این سی پی نے صدارتی انتخاب میں اپوزیشن کے امیدوار یشونت سنہا کو ووٹ دینے کا فیصلہ کیا ہے۔
Published: 18 Jul 2022, 9:40 AM IST
حیدرآباد: آندھرا پردیش کے وجئے واڑہ میں منکی پاکس کا پہلا مشتبہ معاملہ سامنے آیا۔ ایک لڑکی جو اپنے خاندان کے ساتھ دبئی سے واپس ہوئی تھی، کی جِلد میں دھبے آگئے۔ اس لڑکی کو علاج کے لئے وجئے واڑہ کے سرکاری اسپتال منتقل کیا گیا۔ اس کے نمونے نیشنل انسٹی ٹیوٹ آف وائرلوجی پونے بھیجے گئے۔ اس لڑکی کا علاج اسپتال میں کیا جا رہا ہے اور اس کی صحت پر نظر رکھی جا رہی ہے۔ اس کے ارکان خاندان کو بھی الگ تھلگ کر دیا گیا اور ان کے نمونے بھی پونے کے اس انسٹی ٹیوٹ میں بھیجے گئے۔ واضح رہے کہ 15جولائی کو اس بیماری کے پہلے معاملہ کا کیرل میں پتہ چلا تھا۔
Published: 18 Jul 2022, 9:40 AM IST
نئی دہلی: ہندوستان کے 15ویں صدر کے انتخاب کے لیے آج ووٹنگ ہو رہی ہے اور وزیر اعظم نریندر مودی نے پارلیمنٹ ہاؤس کمپلیکس کے پولنگ بوتھ پر اپنے حق رائے دہی کا استعمال کیا۔ نیشنل ڈیموکریٹک الائنس (این ڈی اے) سے دروپدی مرمو اور اپوزیشن کی طرف سے یشونت سنہا امیدوار ہیں۔ اس کے لیے ملک کی مختلف ریاستوں اور مرکز کے زیر انتظام علاقوں سے منتخب ایم پی اور ایم ایل ایز اپنا حق رائے دہی استعمال کریں گے۔ ووٹوں کی کل تعداد 4800 ہے۔ نتائج 21 جولائی کو آئیں گے۔ صدارتی انتخاب میں این ڈی اے امیدوار مرمو کی جیت یقینی سمجھی جا رہی ہے۔
Published: 18 Jul 2022, 9:40 AM IST
صدارتی انتخاب کے لیے ووٹنگ شروع ہوگئی ہے۔ دروپدی مرمو این ڈی اے اور حکمراں جماعت کی امیدوار ہیں جبکہ یشونت سنہا اپوزیش کے امیدوار ہیں، ملک بھر کے ایم پی اور ایم ایل ایز ووٹ ڈال رہے ہیں۔
Published: 18 Jul 2022, 9:40 AM IST
پارلیمنٹ کا مانسون اجلاس آج سے شروع ہو رہا ہے اور 12 اگست تک جاری رہے گا۔ اس مانسون اجلاس میں کل 18 اجلاس ہوں گے اور 24 بل پیش کیے جائیں گے۔ دوسری جانب صدارتی انتخاب کے لیے آج ووٹ ڈالے جائیں گے۔
Published: 18 Jul 2022, 9:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 18 Jul 2022, 9:40 AM IST